好唔開心，點好？

我講樣野俾你知, 你鍾意既可以睇, 你覺得長既可以唔睇, 不過可能你損失……

我岩岩23歲, 已結婚。

我1990年出世, 我爸爸1996年離世, 爸爸死之前同媽媽已經唔太岩, 出面有女人, 仲想帶埋我走, 不過我無跟到爸爸。

媽媽要返工, 我由細到大都係婆婆照顧我, 我媽媽係1998-9年, 搬左出去住, 我就同婆婆舅父姨姨住。得閒都會去見下媽媽, 過陣都好痴我呀媽。

到2000年姐係我10歲, 婆婆有癌症, 成日都係住院, 我都成日係醫院陪佢...到2002年離世。過陣岩岩小六暑假, 準備升中一。

岩岩讀中一, 可能個個都會係中一好乖...我讀書不過不失, 唔係差又唔係好...
到中二, 我開始上網打機...上網識下男仔...傾下計...例如XLOVE..
到中三, 我都係咁...成日遲到...好鐘意係屋企打機識男仔, 連學到唔想返咁制...
中三之後我班D同學個個都唔讀中四咁制, 個個報IVE讀...
我又唔鐘意返...返返下唔返...

15歲出來做第一份工...過陣上網識左個男仔, 之後拍拖...(拍左2-3年)
我媽媽唔鍾意個男仔, 我都試過為左個男仔離家出走...(諗返好後悔)...
過陣我都有諗過, 呀媽咁對我, 點解我仲要對呀媽好?為左個男仔係同呀媽反哂面。
(就好似依家爸爸咁對你咁)

過陣試都好唔乖...我自己都無咩知己既朋友...但係真係要靠自己點去諗通...
之後我都讀返書...讀返中四中五, 之後讀埋毅進, 係律師樓做左差唔多3年...

岩岩23歲無耐...見識同諗法會好唔同...自己都試過有左BB之後同我依家老公結左婚...但係個BB係21週發現有問題...需要落左去...(要生佢出來...)...

唉...幾慘既事我都遇過, 5歲死爸爸, 11歲婆婆...21歲無左個BB...

咁我都算, 我到挨過左...

今年2014年1月1日...我媽媽離開左呢個世界...我仲係好心痛...自己幾乎做人媽媽...愈來愈懂得係另一個角度看...


講完一大堆廢話喇...其實好多人慘過我都有...我以前都覺得自己好慘...不過有大把人仲慘...自己爸爸媽媽都未見過...自己又無書讀..又無錢食飯...(D好落後既地方)...

你想學乖...其實你要企係你爸爸個角度諗先...親人永遠係最重要, 佢無論做D咩都好...佢出發點都係想你好...因為你係佢個女...

所以, 你首先要對自己親人好...親人無左就係無左...朋友, 男朋友無左都可以搵過個...做老豆最怕個女俾人呃...遲D你俾人搞大左...做老豆都唔知點算...

你咁細個, 如果唔影響學業同影響家人關係, 都可以拍拖, 不過唔好衰11 囉最好...仲埋一定要帶套, 食事後丸對身體唔好, 如果個男仔係愛你既, 就可以忍住唔搞同埋會帶套, 男仔講野唔好信十足...

如果你俾心機聽書, 老師唔會針對你既。我自己好肥T_T, 我試過有個男阿SIR話我肥C大隻, (我心諗關佢咩事, 做老師都咁無人品, 佢又唔識教書, 好多人都唔鍾意佢)。老師唔係岩哂, 就算有咩唔岩聽都好, 吞左去算啦, 老師都要有小小尊重下佢。

如果你肯睇哂篇野, 又想搵人傾下計, 可以E-MAIL [email protected]我, 我之後俾個電話你Whatsapp我都無問題 我都無咩知己朋友^^ 勝在有個老公陪下

你一定要珍惜自己親人..知唔知..要做個乖乖女...如果唔係會好後悔...
可況你依家係反叛期, 最緊要諗開了...生命都要珍惜下...
要死既, 都要係自己最多朋友既時候, 依家死, 無人來去你喪禮, 值得咩???

你一定要

成立歷史十多年，一家年收入百萬會員破萬的婚友社-*****

你好想得到人哋關心同愛, 又得唔到父母信任, 响學校又俾人排擠, 似乎屋企同學校都俾你好強烈嘅孤獨感. 你係點識得去睇醫生呢? 睇醫生最少可以幫你攪清楚自己有冇問題, 唔好諗咁多, 先睇醫生喇, 我哋都唔係專業人士去判斷自己.

如果你好想揾人傾, 你可以揾學校社工, 或者致電一啲機構, 生命熱線2382-0000或香港撒瑪利亞防止自殺會2389-2222同義工傾下, 無論你想做啲乜, 都試一試同人講下你嘅感受同想法, 俾人哋可以同你分擔一下. 如果你願意, 可以email我的:
[email protected]

祝 安好

你好，這是《自殺．自療．互助舍》。從你所寫的內容，我感到你心中的困苦。雖然，我並未完全了解你，但我明白置身痛苦中是怎樣一回事。有些人在困苦之中，會選擇放棄自己。不知道你也曾否出現放棄自己的念頭？

我相信自殺是人一生中最矛盾和痛苦，也是人生中最重大的決定。我深信，自殺不是您想選擇的，更不是您唯一的選擇，只是您所面對的困境和痛苦好像超越了您所能應付的。

無論你是否打算放棄自己，我也希望你不要將困擾藏在心裡，好像氣球裡積存的壓力一樣。您不如停一停，到訪我們的網站www.help4suicide.com.hk。那裡有一些勵志故事、有趣短片，也有與自殺有關的人與事，你可以隨心看看。您更可以進入網站內的『真心話室』（星期一至五，下午８時至１２時）即時與我們的義工在網上即時交談，或致電我們24小時電話熱線2389-2222，與我們的義工傾訴。

我們願意聆聽你的心聲，伴你一起走過這段艱難的時候！
只因『晴天雨天要樂天，難關難過總會過』！

13 歲, 好細, 但前面嘅路就好長 ...

有無諗過改變一下妳自己 ?

比如 :
★ 唔好再掛住前度 a;
★ 同阿 b 做返普通朋友, 因為妳個心係阿 a 度;
★ 戒煙, 戒酒, 唔好再界手, 唔好再離家出走, 妳老豆阿嫲就唔會成日哦妳, check 妳, 經濟封鎖;
★ 唔好再逃學, 比心機讀書, 老師就唔會針對妳;
★ 唔好成日覺得無拖拍唔得, 無男朋友唔得, 就無人覺得妳濫, 或者姣;
★ 試下講野唔好咁串, 可能朋友會多番啲. 如果唔係, 妳幾有義氣都無用, 因為朋友一早被妳串走哂;
★ 無胃口, 就小食多餐或者唔食. 到你餓到頭暈眼花, 妳就有胃口

搞咁多麻煩野, 妳啲同學朋友都怕左妳啦 !

如果妳肯改變, 自然就多番朋友, 仲有人肯聽妳講心事;
有朋友就自然心情靚, 跟住就唔想死, 更加唔洗排精神科

唔啱聽, 就當無睇過, 自己試下搵社工幫妳, 或者叫阿媽 / 阿麻幫妳排期, 等醫生用專業知識幫妳

同學校D社工king