我狗狗情況未好轉 可以教下我點做嗎

我隻狗狗品種係芝娃娃 今年11歲 男性
平時係屋企少同佢跑+JUMP 多數都係抱佢摸佢 今個月3號係屋企同佢玩得太癲
又跑又JUMP好耐 一心想同佢玩多D 令佢開心D 點知之後果日抱佢時佢有細細聲叫
我心知不妙
大後日叫得仲犀利 摸一摸佢就邊咬我邊慘叫 令到我心十分難受 內疚
6號即刻同佢睇醫生 醫生話佢條頸關節有問題 嚴重要同佢做手術
跟住打左止痛針同開左1星期止痛同消炎藥比佢 730元
好有可能係我令到佢加速左關節問題或者直頭係我整傷左佢!
食完藥之後幾日再冇再叫痛 開心時自己會跑 吠 但唔比佢jump
直到今日我幫佢著返件衫 郁到佢 佢又再次慘叫 即是佢仲係未好

上網睇過好多關於狗仔關節痛既問題 大多數圍繞"椎間盤突出症"
要做手術先可以痊癒 佢過埋今年就12歲 家人不建議開刀做手術
我打算一陣去醫院配定多一星期藥比佢食 我唔想佢長期食止痛藥 亦都知唔可以咁做 對腎唔好
我寧願我折壽都想令佢唔好再痛落去!一見佢慘叫 我心就撕開 都係我唔好

我只係想佢快快樂樂 最緊要唔好再痛 咁樣渡過餘生
如果去醫院我諗醫生都係比補充劑/止痛 消炎/再唔係就做手術
有冇人有雷同經歷 唔洗做手術狗仔最後係好返
可唔可以教下我點做