急~~~~~~~有關勞資糾紛一問

先要弄清楚甚麼是「曠工」？
其實現時本港的勞工法例中並沒有就「曠工」作出定義，不過一般大眾市民的共識，「曠工」就是在事前沒有任何通知的情況下而不返工（也可以說是疏忽職守）所以，雖然你有多次請假都沒有醫生紙，但那只可以說公司不能證實你是真病定假病，卻不能說你是曠工（除非你係事前無任何知會，等第二日返到公司先至話自己「噚日病左」）既然你唔係無故曠工，公司即日炒你就要比返代通知金比你另外，公司有無同你講點解會扣你四千幾呀？

2014-01-13 12:21:00 補充：
唔係公司話你「曠工」，你就無得拗，要睇番公司既理由

咁你事前有無同公司講要請假？

要是你事前有講，公司又無話唔準，咁即係公司已經道你果日係攞左假，咁就唔叫「曠工」
要是你請假時公司話「唔得」，你一定要返工，但你都無返，事後又無醫生紙證明到你真係有休息既需要，咁就可以話你「曠工」

要是你起先話攞「病假」，第二日又比唔到醫生紙公司，通常只會當係「無薪事假」

即使因為你攞太多咁樣既「無薪事假」，公司炒你都要比番一個月通知

2014-01-13 12:21:12 補充：
《僱傭條例》第9條列明，如僱員故意不服從合法而又合理的命令、行為不當、犯有欺詐或不忠實行為、或慣常疏忽職責，僱主可在不給予通知或代通知金情況下，終止合約。

既然公司話你成日「曠工」，理應要先發「警告信」給你，好讓你知曉公司已經不滿你既行為，咁你間公司有無比過「警告信」你簽呀？定只係得口頭警告？

重有，即使公司真係可以「即時炒」你，咁都係唔使比個一個月既代通知金，唔代表公司可以無啦啦扣你人工

去勞工處問下啦，有勞工處既介入，總好過你自己同公司拗

2014-01-13 12:31:38 補充：
除非你真係有半個月都係咁攞「無薪事假」，所以比公司扣左半個月人工，怕且你無咁離譜啩？

你僱主的做法很危險，因為僱主係你請病假"第一日"就炒你，雖然你之前可能請病假多，又可能有d無醫生紙，但都唔可以否定你今次係堅既，如果你今次請既病假有4日或以上，有適當醫生証明書，及於僱傭條例下已累積足夠有薪病假額，你僱主就可能會跌落被申索不合法及不合理解僱的情況，僱主有機會被判罰款最高10萬，你可向僱主申索解僱代通知金，額外7天工資賠償，本應得的疾病津貼及申索最高15萬補償金。