✔ 最佳答案
6千元買入門級車,再買衫褲鞋襪&成副武裝都夠。
詳情去鎮洋單車個網睇下大約價錢,但千祈唔好去鎮洋買,因為大鋪一定貴。
行得大巴士的斜路就乜單車都上到(有前後變速的話)
除非你行D好極端既路,例如港島D巷仔,或 中環花園道上落斜(NOT MK 花園街),斜道達1比個位數,咁樣爬山車有較大扭力,輕易上斜。
摺車唔好開快車,唔好爛路,摺位個博位好易斷,好似呢條片咁
http://www.youtube.com/watch?v=2-DHzLkvhXU
車架價錢:生鐵(最平)< 鉻鉬鋼 < 鋁合金 < 鈦合金 < 碳纖維(最貴)
建議:鋁合金(唔大重、唔太貴)
唔好一邊下玻一邊渣住煞車,會過熱而減少壽命。
擋板可擋以下情況,當車碌過水窪時,前輪的泥水會彈上你臉部,後輪會彈去你背部。
除了 旅行車(環繞台灣 用)and 石油氣單車,其他我地唔會加後貨架,可用單車袋(繫在單車前上管果D)盛載手機、貴重物品。
店鋪唔清楚,因為我架車係我自己維修,唔係車行。
唔需要穿反光衣,前後燈夠了。(有D腳踏附有反光板)
你可以帶後備車呔,新牌仔(1-2年經驗)就唔好學人補車胎,可能會越幫越忙,買小型單車泵,手比咁長果D,要慳水慳力慳時間慳錢就去汽車加油站泵,根據你車呔上的胎壓(單位:Psi)係油站輸入打氣胎壓上限,插喉入去,即刻自動泵好,聽到 Beep 聲會自動停。
例如:由大圍港鐵站入大美督(船灣淡水湖 果個 水霸)。全程單車徑
買捷安特(Giant)(台灣)都得