肯學肯捱點解搵唔到份正常工

你可以看自己有什麼興趣，如果你喜歡咖啡，可以學沖咖啡，你又可以做售貨員，學習一間店鋪是怎樣運作，當你日後有錢的話，你可以開一間店鋪，最重要的是你不要灰心，人總會有機會的。

毅進計劃係政府推行的，政府會"絕對地"承認毅進計劃既資歷同資格，但係好坦白講出面私人市場唔會咁睇，所以你講send左好多信出去人地唔覆你一點都不意外，原因相信是你找的對象錯了，你應該去搵政府工，無論公務員也好，非公務員合約制僱員也好，政府都必須承認你既資格。係私人市場interviewer眼裡，毅進是讀唔到書既人去讀既野，除非你再讀到上去，過左毅進個level，否則，人地都只會認為你都係同未讀毅進一樣，係讀唔到書既人。私人市場資源緊張，僱主請人一定是以最少付出換取最大回報及可持續發展回報，雖說毅進計劃是等同中學文憑合格，但僱主不確定你是否可以令他有更大的回報，所以如果有兩位求職者在各樣條件差不多的情況下，毅進畢業這個稱謂可能會令你有些微負面的影響。但在政府interviewer眼裡，你只要符合入職條件，不論你是否會有升值的潛力，不論你會否會令他有更大回報(因為賺到都係政府既，唔係佢既)，你只要能符合部門interview時的技能測試，而interviewer與你對話時，覺得你能夠打動佢，在那一剎那給予你機會，report上去上面話你是正面的，就會請你，而且政府立場毅進是有心向上的人去讀的，而不是私人市場認為讀唔成書的人去讀的，所以政府立場認為毅進畢業生是正面的(有加分)，所以，不要灰心，你只是沒有好好運用你現在擁有的。政府見工時，表現你對有關工作的了解，對有關工作充滿渴求，有熱誠及有信心，你可以的。

ps:政府招聘遴選時間一般較長，如果你是迫在眉睫有經濟上的困難，去做sales!~時娤店賣衫賣袋果d，你唔需要有經驗，你只要搵幾日去d鋪頭(你想去做果d類型)假扮買野，你用心留意一下d sales點樣去sell你(去試佢...但最後唔買野)，她的說話是怎樣的，她的一舉一動是怎樣，你假扮問她問題，她怎樣回應，然後見工時就你就會有"經驗"了，其實僱主請sales註明要有經驗，其實都係想有個保證你會sell到客，所以sell客既野你表現到你係識既話，佢一定請你。經驗?幾日搞掂啦。

==========================================================
政 府 職 位 空 缺
http://www.csb.gov.hk/tc_chi/recruit/7.html#

試下上呢到搵工

一站式搵工網Jobseed
有集jobsdb, recruit, careertimes 同埋其他網既工, 超過十萬個職位空缺!

社會就係咁現實
一係講經驗
一係講學歷
再唔係就講關係係，你可以話個個人都係由無經驗開始，但係，通常僱主只會容許年紀輕既人「無經驗」，當你一超過廿來歲，而又唔係有高學歷，D人就要要求你要有「經驗」
雖然我唔知你依家既年紀去到邊，但應該唔會好大個，應該都重係廿幾歲？
其實無學歷，又無關係（例如有熟人介紹工作），咁就唯有重頭黎過累積經驗
原本做學徒（例如美容／護理員／髮型師／助理護士．．．）都係一條其錯既出路
不過你屋企依家係「等錢開飯」果隻，而學徒既人工不嬲都係奀到只能養活自己而不能養家
所以我既建議係，「暫時」做住一D唔使經驗都可以既工作（售貨／收銀／洗碗．．．）（呢類工作雖然有些店舖都會要求經驗，但不是必然，即使全無有關經驗既可），起碼叫做度過呢個難關先，待遲些少屋企既環境好番D，無咁惡劣之後，再搵一份自己有興趣，可以長遠做落去既工作，學番一技之長都好吖