泰國佛牌真假一問

1)我有三個佛牌，但我想知道係真定假，聽人講拎去D拜泰國佛ga廟問下，話果到D會幫你睇，係咪可以咁做?

多數古老佛牌先會去分真同假，因為古牌取用的材料、年份、邊位高僧所出，出了多少專等等。。都會影響其價值同價錢。去到價值連城嘅古牌就要找一些有硏究嘅收藏家去驗證。因為現在泰國嘅"佛牌比賽"有好多時佛牌連証書都有機會係假嘅。

若您的三專佛牌是新牌(近代佛牌)，就可以問下專佛牌係邊間廟出? 係咪正廟出?(正廟出嘅佛牌都會比廟裡住嘅所有泰僧加持過，有力量)。。新牌所謂嘅"假"係指冇被僧人加持過(未開光)，未被僧人加持過嘅佛牌只係冇力量，同一件裝飾冇分別吾會對人有咩問題嘅。其實好多泰國佛廟內嘅義工對佛牌有一定嘅喜愛，所以您不妨問問他們，去了解一下自己三專佛牌嘅來歷。或者可以直接請僧人即時幫您三專佛牌加持。僧人正常係吾會拒絕的，當然您亦回向一點善款(隨意隨心)給他們修廟、建廟之用喇。

2)我想去太和寺，我第一次去有無話要注意D咩?果到有無得加持?
去太和寺由太和火車站向前行，經過條村，再經一個停車場，就見到條斜路，行上去。太和寺上面有三隻狗，行到咁上下，佢地就會企定定的吠你，或者過來聞下。太和寺嘅僧人好多只識泰文，有中文翻譯既。都有一兩位師傅係識廣東話，您帶定三專佛牌去，到時問問識廣東話嘅師傅可吾可以幫您翻譯請僧人加持。

另外，入泰國佛廟第一件事係要除鞋，女性的話吾好同泰僧有身體接觸。見到有白色信封、捐款箱同許願竹就可以隨心捐款。若果拜神、拜佛要先點爉燭，用點著爉燭嘅火去點香(除了古曼同拉胡神，一般點3支香。四面神因要拜四面，就四支爉燭12支香)點香之後合十懇心求拜，最後就可以送花、貼金。。。只要您吾講明要返來還神就吾駛還神，但若講明願望達成之後會還神，就最好返去還神。始終承諾過嘛！！

3)如果好耐無帶個佛牌，再拎返出黎帶有無問題？
如果好耐無帶三專佛牌，再拎返出黎帶當然無問題。當然您信佛牌會保護您就日日帶最好喇！吾帶的話，放係高過腰位置，好好保存就可以了。