對於這個好朋友..我應該冷淡定繼續同佢FD?

１。其實我唔應該答你，所以我可能稍後自刪答案。

２。道理上你唔需要為此煩惱，因為你都當佢係好朋友，而且你都講清楚左自己的界線，咁你繼續以大家都開心的態度同佢相處就可以，唔需要特登就佢開心，亦唔需要故意對佢冷淡。

３。我覺得你自己都未必肯定絕對同佢無發展機會，不過呢個都係後話。

４。最緊要你暫時既決定係唔同佢一齊，你亦都明確地拒絕左，佢都知道，所以你無理由會令佢誤會。只要你講清楚左就ＯＫ。佢而家都唔算係死纏爛打，起碼你無厭惡佢。

５。［個人意見：因為個人對於你朋友的意見有些少反感。］如果你聽你的朋友講特登疏遠佢，咁反而我會覺得係你做得唔岩（如果佢係騷擾你而你自己都想避開佢咁就另計）。如果真係要對佢狠心，都應該係出自你自己的諗法，咁就無問題。

６。只要大家都清楚你點諗，你無故意去呃人，亦都無作出令人誤會的事，我覺得你就用自己的心去行事就可以。你可以坦白同佢講，你會繼續係佢朋友，但係唔係男女朋友，佢接唔接受係佢的事，但你自己知道呢個都係你暫時的立場。

７。無必要聽所謂朋友的建議，或者我的意見。其實你自己應該知道點做，你自己係一個怎樣的人，就會作出怎樣的決定。

８。同人相處最緊要就係互相尊重。朋友之間係真心的就坦誠一點，自己清楚自己的底線，唔需要太多故忌，唔需要玩咁多心計。其實只係好小事，如果大家都係成熟的一定會明白。

９。當然人人的心態都唔同，所以只要當事人才是最清楚。聽人地講太多係無用。憑自己的心去處事，去交朋友啦。

１０。男女大不同，呢個係事實，對於某Ｄ野，可能係需要有唔同的對待。但係對於你所問「同男仔相處係唔係應該有另一種方法??」我覺得唔係。而且我覺得你做的事都係好正常。

１１。如果你本人係認為對於一個非男朋友的異性係可以有相對程度的關心的，咁你就憑自己的界線去處理就可以啦。要特別顧忌佢係咪被標籤的獨男咪反而顯得小家？即使佢係交遊廣闊的男生都一樣可以咁對你，最緊要係你自己點諗。

１２。呢個世界上，對於人的事，好多野無話公平唔公平或者邊個方法好Ｄ。總之憑良心，無傷天害理就得，做番自己啦～

祝　好運～

我明白你對於里件事有d唔開心,有d困擾,而我認為無須對佢冷淡,大家做番好朋友會好d,因為你已經澄清左你唔中意佢,而且你地有相似的興趣同好多話題

而第二,你話佢會好嬲好唔開心當你唔得閒覆佢個時,而你會覺得咁樣好辛苦,甘不如你試下覆佢busy當你做緊野個陣,又或者同佢講反你自己感受佢聽等佢知道,

如果你想搵人傾都可以搵夜貓online架, 網址係：nitecat.bgca.org.hk
wts:91703714
skype:[email protected]

2014-01-07 15:41:52 補充：
add oil,be always happy ar.we will always support you.

你唔中意佢咪唔好理佢囉,廢是佢有錯覺咁仲煩.

同你講
信自己，唔好聽朋友講
佢地又唔系個男仔肚入面條蟲
點知人地念咩？
佢而家對你死心塌地
咁你又唔中意佢
可以明確講清楚你既內心
例如系：“我對你冇情感上既中意，當你普通朋友炸，
我只不過系有野做緊冇時間覆wtsapp，你就發曬脾氣，
講真，咁樣我有d辛苦，可唔可以比d空間我？”
當佢煩你既時候，可以咁樣講。


同埋，你究竟系因為同情佢先想繼續同佢聯絡，
定系自己真系唔想失去呢個好好傾既朋友呢？
如果系因為佢之後狂講一d曖昧野，
而你唔中意多過中意佢
代表你同情緊佢
所以你唔好再用同情黎“幫”佢
唔好比"同情"影響到你做緊每件事
如果系純碎唔想失去佢，
你就要好好衡量
唔好比佢有錯覺and一定要劃清界限

他只是你其中的一個朋友,
你只要把他作朋友的看待,
一切做回你自己便可


你已表明你的態度,
無論他接受與否,
他有他的想法,
你也有你的個人處事方法


你沒有必要因為他的往事,
迫自己長期辛苦地遷就他,
那是沒必要的