對個男仔有好感, 好困擾...

我係一個中四既女仔，可能有d長但係希望你地可以幫下我...

其實我小學既時候同個男仔好熟，之後覺得自己對佢同對其他男仔既感覺唔同，好似對佢特別有好感咁

升中之後同佢唔同班，自自然然同佢疏遠左好多。加上同佢之間有d誹聞，所以大家見面個陣都好尷尬，甚至逃避對方。即係見到對方就掉頭走或者行快兩步，久而久之就變得好陌生

個陣每次諗起佢都好傷心，同埋我好care佢既一舉一動，成日都諗住佢...見到佢個陣真係會心跳加速，同佢講野都會好緊張。但係我唔sure自己係因為以前同佢好fd，之後變左陌生人所以先咁care佢定真係中意佢

直到中三，可能因為2年黎同佢冇機會機野同接觸，加上大家都避對方，所以漸漸覺得諗起佢個陣都冇咁down，我以為自己已經放低左佢，可以專心讀書...

中三既暑假同佢+幾個common fd 一齊出去玩過一次，個陣覺得同佢講野都算自然，不過我都係會緊張。升上中四之後大家都冇咩再點話避對方，反而見到面個陣會打招呼同埋傾一兩句，好似又同佢做返朋友...

但係做返朋友之後，又好似之前咁成日諗起佢...唔知點解好似又care返佢，但係我好清楚如果我比佢知我對佢有好感既話，一定會好似以前咁，見到對方就尷尬，又避對方...加上我同班又唔同班，又好難有咩交集或者約佢，但係而家一諗到佢就覺得好down

其實咁多年我冇對過其他男仔有好感，甚至有人追我，對我好好，我都冇接受，因為真係冇感覺。我唔知點面對...其實我都只係想同佢做返普通朋友，唔好再對佢有任何幻想，我真係要專心讀書...但係我做唔到。/_\