我中三留班之後冇讀...E+後悔想搵返書讀~

可以讀夜校，有心唔怕遲，同埋你只不過停左學四年姐，又唔係十幾年。

個人體會︰唔好諗住揾一份自己有興趣既工，揾自己擅長既工比較實際，我覺得一份工做得開唔開心唔係因為我鐘唔鐘意份工，而係我能力做唔做到，就算係重複性既工作、文職，做得好，別人讚同，有職升，有人工加，當然開心啦，如果同事都對自己好咁我就好鐘意呢份工喇。

睇到你對升學方面感到有d迷惘,而且對讀書重拾興趣,而你咁既年紀都唔會後悔得太遲....

首先,你可以去了解自己既性格同能力,適合讀d咩科,例如中意運動,可以揀一d運動的課程,比較內向/中意接觸電腦,可以揀一d資訊科技的課程,比較外向/中意接觸人/同錢有關,,可以揀一d商業的課程....

其次,假如你真係搵唔到自己既方向同興趣,可以搵一d認識自己的興趣方向的心理測驗,好似http://student.hk/appraisal/appi/?lang=c
幫助閣下瞭解個人的興趣、技能、及特長，並探討適合您個性特點的進修專業類別。然而，這一量表只是指導您尋找進修專業的方向，而不是替您作出專上課程選擇的決策

現時亦有好多唔同出路,vtc亦有好多課程,http://www.vtc.edu.hk/studyat/html/tc/programmes/posts3programmes.html

http://www.vtc.edu.hk/admission/chi/course-ftps3-dve-courses.html

I hope I can help you,add oil, We will support you.

如果你想搵人傾都可以搵夜貓online架, 網址係：nitecat.bgca.org.hk
wts:91703714
skype:[email protected]

讀返D專科 學返一技之長

方向 興趣 好睇你平時中意D咩

例如廚藝、手工藝、幼稚園教師等等~~~

LIM，您好！

識得去為自己前途著想，已經係踏出人生重要一步，支持您呀！

讀書方面，香港其實有唔少途徑俾您去讀返個高中學歷既，包括：

1. 夜中學
即係一般所講既夜校，您可以由中三或中四開始讀，依個課程係準備你去考中學文憑試，您要有心理準備係需要好大毅力，公開試既成績係關鍵，如果唔能夠考到全科合格其實同無讀過既分別唔係好大......

2. 毅進計劃
係俾21歲以上或曾應考中學文憑試既人士報讀既1年全日制或2年兼讀制課程，學費較貴(3萬多元)，但認受性頗高，讀完可以被視作中六全科合格，考公務員或者大部份大專院校都會認可。

3. 職業訓練局

由於你完成咗中三課程，可以申請職業訓練局青年學院既中專文憑課程，全日制3年，讀完亦會等同於有中六全科合格，不過中專文憑以職業導向為主，認受性就不及毅進廣泛，但如果你想再進修，可以比較容易入返職業訓練局既高級文憑課程，,再逐步考取大學學位。

好多人去到20~30歲都未必能確定到自己方向，有時唔係人地話俾你聽，或自己一個人去思考，就可以好容易咁搵到出路，仲有好多因素影響您去決定，包括您既興趣、才能、家庭、成長經歷、經濟條件等等，坊間亦有一D職業導向既測驗可以俾到參考您。有興趣可以add我facebook同我傾傾([email protected]), 或者上夜貓Online搵下當值社工/義工問下意見啦(nitecat.bgca.org.hk)

祝您好運！

Stanley

你可以報讀夜校的中四，又可以報讀公開大學，當然最重要的是看你自己的興趣。至於你差不多二十歲，其實是很年輕，在很多人心目中，這個年紀還是小孩子。

你到是可以報讀你有興趣的專科羅，一科轉讀還是可以的哦，沒有太大的壓力

你可以去看看那科你有興趣, 先報一些短期課程, 覺得OK確實自己的方向才決定是否報重讀, 因為你放底書包一段時間先要比自己一個適應期, 如果程度跟到就直接報中四, 否則先報中三預備一下先, 我知明愛有很多成人夜中學可以報名的, 你看看那間地點你較方便那就去問問。希望可以幫到你.