✔ 最佳答案
唔單止金錢,其實數字上咁多術語,可能係暗語,唔畀外人聽到,不過耐左又變成好多人都知的俗話。
講十:三草(野),三兜(野),(唔會配個水字)
講百:四舊(水),
講千:五撇(水),五叉(野),五棟,五K
講萬:六盤(水),六皮(野),六餅(野),六雞
講百萬:一球,(因為已夠勁,習慣唔加水或野)
後記,百,少聽人用底,出處可能係紅底有關,不過同打麻雀幾多底混淆,少用。輸左四底,唔知你講四舊水定係真係四底。(紅底即係百元鈔,打麻雀一底即係一番的100倍)
速速磅,唔好兩頭望!磅水即係叫人畀錢,未聽過人講三磅水係三百。
過水都係叫人畀錢。又有人講科水。
x x x x x x x
十蚊紙叫青蟹,依家變左花蟹。
百蚊紙叫紅底。
五百蚊紙叫大牛。
千蚊紙叫金牛。