✔ 最佳答案
何蔭棠係近年慈雲山區冒起得較快既學校,但協和及保良一中係該區最好既兩間傳統名校,基本上仍然係區內最好。所謂協和“退步”,不過係指佢既畢業生無以前顛峰時期90% 既入大學率。另外,協和書院係中學仲分成5個Band 既年代,年年只收當時既Band 1小學畢業生,後來中學分成3個Band,協和先至無可避免收左小部份以前係Band 2既小學畢業生。協和舊年先出左一個8 科爆燈5**狀元,畢業生實力無容置疑。而保良一中多年內升大學率非常高,應該仍然係保良局所屬中學最好既學校。呢兩間學校各擺第二以外既位置,除非樓主小學五、六年級所有科目成績全部係 A 級,先至有機會將呢兩間學校是但一間擺係第二位,如果無以上成績,樓主只可以將是但一間擺係第一位,先可以博下有無得入。
老實講,如果升中生成績未達上述所有科A級成績,最好唔好將以上兩間學校擺第二,咁樣會令你最終派位既結果大幅墜後到你想像唔到咁後。另外,上述兩間中學只有極少數後補叩門位。以協和為例,一般情況只接受不多於一百個叩門生申請兩個左右既後補位,而每位有資格既後補生同樣均需校內成績極為優異,同樣需要全A,先有資格去考。樓主必需小心冷靜唸清楚你既學校選擇排位,因為呢個係會影響你一生既決定。
2013-12-30 21:43:21 補充:
樓上hm小朋友,你點會明白協和既自由自在係幾咁可貴﹖ 點解協和可以咁自由﹖ 因為協和既學生本來就係優異生,唔駛點管,佢地無論成績及操行都唔會非常走樣,只要佢地比較規矩咁過嗰幾年,一般升大學都唔會有乜問題。協和校內有好多非常有才華既能人異士,雖然佢地讀書成績唔係個個都係十A 狀元,但之後升大學,然後發展事業都無乜問題。