去朋友親人葬禮要穿什麼衣著???

而家香港人嘅生活節奏同條件影響之下， 加上時代變遷， 好多嘢都一一從簡。送別先人， 肯出嚟問下， 可以見得你好有心！

1。 葬禮係 「死別」， 即係你同先人最後一次嘅 「見面」。 衣著款色以尊重場合為主； 顏色以素色淨色為合， 一般穿着黑、白、米、深灰、深藍。 葬禮的主角是先人， 所以切記不應穿搶眼潮服之類。 男仔最容易， 裇衫 （起碼有衣領嘅衫）、長西褲 （起碼卡其）、 着西裝褸就一定要打呔； 女仔着及膝裙或長西褲、 頭髮長及肩都應該梳起紮起， 着裙就一定要着（黑或肉色）絲襪， 配飾用珍珠或簡約金銀色、 或絲巾。 冇皮鞋、 「懶佬」鞋都揾對密頭鞋， 呢度唔係斯里蘭卡要尊重人地尊重自己唔好着人字拖或涼鞋！

2。主角唔係你， 唔好有失身份。 唔好着D引人目光既衣著打扮， 忌 大紅大綠、 喜慶顏色、 大花圖案、 染成頭搶眼頭髮、 鮮艷甲油、 珠光寶氣、 濃郁香水味、 頭髮凌亂、 未剃鬚、 性感服裝、 露趾鞋、 圖案絲襪、 艷麗彩妝。 特別要提， T裇即美化咗嘅底衫， 老一輩叫「衛生衣」， 太casual! 件衫要有領！ 另、 牛仔褲即礦工褲， 賣二千蚊都係 denim， 冇西褲都要卡其！ Formal 可以 trendy， 但 trendy 唔等於 formal!

3。如2。 希望你對boot 冇D釘珠鐡鍊或一個金色鐮刀！ ^^

4。 如2。 希望你件衫冇間喜慶顏色， 同埋個 logo 唔好腳板咁大！ 自己衡量！

5。單數帛金。 慰問卡。 如要送花， 一般幫襯門口殯儀花店由佢地送入去。

6。 如主家安排解穢酒， 就去食D嘢， 慰問主家。 之後， 不迷信的話， 就冇事做嘞。 有D人會去人多嘅地方「散衰氣」先至返屋企。 有D人會去買碌柚葉返屋企沖涼。 但一般風俗， 會將主人家回帛金嘅吉儀入面粒糖食咗， 零錢就用咗佢， 唔帶返屋企嘅。 毛巾仔就隨便冇乜所謂。

7。有一D宗教背景嘅葬禮會通知來賓， 到時聽指示就ok。 除此保持禮貌就可以了。 電話要開震機， 唔好玩電話講電話， 唔好指手畫腳發表對身邊所有人、事、物嘅意見， 尤其遺照及遺容！ 唔好大叫大笑大喊，唔好喺靈堂飲食， 未問准之前唔好影相， 更加唔好po上網！ 唔好帶埋唔會合作嘅細路出現， 唔好合眼訓， 唔好����香口膠。 萬一見到任何科學解釋唔到嘅事物唔好出聲兼當睇唔到！