我同佢到底佢點...我可以點做?(LES)

我係F.4既女仔
我既外表並唔係TB果種LOOK
但我知道自己係偏男仔(即係做B果邊)
甘好啦, 我唔知自己係咪鍾意左個女仔
佢大我一年, 我地搞社識既
其實都係近呢一兩個月先熟
果陣同佢好FRD, 佢有心事都會同我講
講講下就出事了
佢同我講話佢仔追佢
果陣我心好不安, 唔知道係咩感覺, 只係知自己好唔中意佢有人追
後來我成日約佢出黎繼續斟
有夜我地出黎飲酒
我唔知係咪飲多左有D唔清醒
唔覺意就同左佢表白啦..果時得我同佢
佢好開心..可能因為有人中意佢啦
甘我繼續, 我問佢, 佢對我係點既..
補充 : (我wtsapp周不時會同佢講其他女仔好可愛啊, 好好J果D- -)
佢話, 佢唔鍾意我講其他女仔, 我一講佢就好嬲
之後我地就繼續吹水啦, 冇特別的..吹到11點12點, 要番屋企
我話:臨走, 錫我一啖?
跟住佢就好似諗都冇諗就錫左埋我塊面度...
我話:如果...咀呢?
佢話佢唔要做主動.
結果, 就係我主動咀左埋去...
後來我有問佢點解會比我咀..
佢答我話唔反感..
咁即係點...
我真係搞唔清楚佢對我係點既..
跟住呢排我覺得佢都係應該中意男仔的.
所以我決定左要放低佢
但如果話當咩都冇發生過咁呢, 我真係覺得冇可能啦...
我到而家都仲係好中意佢..放唔低佢
但係佢似乎已經冇左果陣同我好曖昧既感覺了..

唔知大家睇唔睇得明, 希望有人解答到我啦;)