腳踝扭傷一問，睇左跌打，但仲未消腫

我喺星期一打籃球時扭到腳踝，因為見即時已經腫左，所以就走左去睇跌打，當晚睇完隻腳痛到行唔到。跟住星期二都有番去睇多次。
我想問：
1， 其實我係咪唔應該即日睇跌打？佢幫我整完之後我腳踝同腳面都腫哂，咁係咪正常？我以前扭親都唔會去睇跌打，亦未試過腫到咁，最多係腳踝腫，唔會成隻腳面都腫哂。
2，我隻腳到依家四日都未消腫（腳踝內外同腳面都仲好腫），但行到；我呢兩日就一日浸兩次熱水同搽啲消炎扭傷用嘅藥膏。想問我應該敷冰定浸熱水好呢其實？
3，我依家嘅情況會唔會有機會係骨有事而導致腳腫？
4，我應唔應該再去睇下西醫照x光跌打？

感謝大家幫忙！