20幾歲排公屋VS人工

雖然我本身唔係好贊成咁年輕就輪公屋，不過你可能真係有咁既需要，所以你問到，我亦盡量答根據現時既計分制
18歲係0分，每大一歲多3分
你依家23歲，理應有15分在手每等一個月多1分
即係話，你每等一年，會加多15分比你而現時在輪候冊上，正常黎講，大約要有140~150分左右才可以上到公屋
所以，條數計落，你要等9年左右
要是你本身已經係公屋住戶，要扣30分（即係要等多兩年）
（其實排到你上公屋果時都係三十出頭，比起依家有好多老人家依然要住貴租劏房／床位已經好幸運）要是你想快些上到公屋，可以試下輪候那些地方比較偏遠的，要是你不介意的話，還可以選一些比較不受歡迎的公屋至於薪酬方面，莫說你無可能keep住做一份$9000人工既工作咁多年，即使可以亦唔應該
人望高處水望低流，邊有人想自己人工無得加架？
梗係有得搵就搵左先，到時真係要見主任時再同公司傾下
又或者到時你已經人工三級跳，已經再唔想住公屋都未定呢

你這個年齡輪候時間相信不少於6年，所以目前有人工加，應該接受。
而公屋入息審查不是話即時減薪即時計算，而是過往六個月平均數，所以你自己要掌握好。
如果你份工係長做，老闆又可以商量，你現時同佢傾下也無妨，起碼你知道佢可幫你到那一地步。
不過時間這麼長，也難保有變數。