讀書定工作?

如果你有考高考而且最少有一科AL合格, 點解唔直接由ASSO讀起慳番一年? 而且學校為賺錢, asso開到濫開的地步, 質素參差, 而且asso不及hd歷史長, asso認受性只係一般. asso位多但銜接學位少, 想升大學唔係容易, 你諗下自己有無能力讀好. 有d 學院對asso畢業生出路做統計, 畢業生月薪平均一萬都無.

讀完大學亦唔保證人工一定高. 大把大學生第一份工月薪一萬都無, 打3年工月薪都係一萬幾. 話就話讀完大學多D工揀, 但都要睇下邊D僱主比工, 同埋自己有乜實力及人際關係. 唔少僱主想請大學生覺得威D, 但唔肯出高人工請人.

話就話有心唔怕遲, 但香港係一個年齡歧視社會. 你讀完pre-asso及asso三年, 之後大學讀3年(畢業生可以讀senior-place), 30歲先大學畢業, 你同一班22, 23歲畢業學生爭, 兩人表現一樣, 僱主一睇CV同面試之後之後會請邊個? 仲有, 30歲如果係相關行業做, 不論有無轉工, 都已經做到高級職位, 請你之後, 你會否接受一個比你年輕的人GUIDE住你做野?

如果你經濟能力唔太好, 屋企又等你開飯, 小心考慮值唔值得因為三年書而辭份工. 有得半工讀當然好(但小心PT學位有無資助), 亦有同學打份PT, 但兼職人工夠唔夠你交學費及日常開支? 我識D朋友讀副學位, 一星期打兩日半工, 間中因為功課、考試或其他原因返唔到兩日半, 月薪約$40, 一個月約$4k人工, 如果自用都夠用, 但夠唔夠全家用? 打工又顧唔顧到學業? ASSO WORKLOAD不輕的.

is okay,just your life.按自己實際情況決定吧!

我個人認為你如果真的想讀書可以暫時半工讀, 當然會辛苦點, 但你會比別人有工作經驗的優勢, 同時亦比自己一個時間考慮清楚是不是真的要這樣去做 (重新再讀)。

讀萬卷書不如行萬里路~如果不是很喜歡讀書, 倒不如工作, 經驗也很重要, 大學生太多了, 三年後很難預料, 人生不是只有讀書, 讀書是為改善生活, 最重要是生活得愉快!$多不一定開心!!!

讀書定工作?假設沒有經濟負担, 緊系讀書好.讀不盡書, 走不完路.