棒球褸, 衛衣, 風褸, 年宵市場

你地開既條件只有你地既父母先fulfill得到
但係我都嘗試下同你地分享下我地既經驗

1. 設計呢D熱門時事議題只有對政治有興趣既人同年青人先會買, 最理想既年宵場係維園, 果度比較人流多, 又多呢類客

2. 搵廠家好易, 你肯打電話就得, 至於搵唔搵到合適供應商, 時間又配唔配合得到, 就係問題所在。 你而家先問, 睇怕你做左好多功夫, 只係搵唔到合適供應商

3. 你呢個條件即係輸打贏要姐... 如果係幫你地專門生產既, 你訂幾多就畀幾多錢, 否則只會同人地清貨頭貨尾, 唔會有你地設計既產品賣, 你要明白呢方面既關係, 唔係既話你會浪費時間同人傾

4.通常好多製衣廠起每款每一色都要一百件起, 有一定規模既廠要五百件起, 你點設計可以按你既設計黎生產, 但你要承受得起價格同數量, 否則你就只可以同製衣廠協商, 令雙方都可以接受

5. 其實印花廠, 製衣廠同繡花廠都係唔同既廠, 如果一間廠有齊咁多設備, 咁呢間廠既規模應該唔細, 佢肯唔肯接你單? 如果肯, 時間一定快好多

你試下搵一搵屯門有一間Jacquelism, 專門做團體服既廠家, 佢既價錢一般比市面便宜3-4成, 睇下佢肯唔肯接你單黎做啦

仲有一個月左右就新年,根本冇可能夠時間起貨.

你唔係租左個位而家先諗賣咩野掛???