2014 working holiday 澳洲

你咁嘅安排，若果係帶埋大舊錢，主要係去澳洲流浪旅行嘅，冇話唔可以。但若你係冧住去打吓散工，贃番D水腳，就大有問題嘞。
1. 留喺愛麗斯泉洞烏魯魯兩星期咁長，冇乜嘢好做。
2. 悉尼係澳洲最大城市，周邊可去地方又多，留2星期又似乎太短。
3. 仲有，塔斯曼尼亞多見樹木，少見人倫，成個月，悶都悶死。
4. 去開恩兹一個月，唔通日日去潛水。

以上純是我的個人意見。不過，總括來講，你鐘意去邊就去邊，冇人會理你，總之，有水就得。

我剛剛係澳洲working holiday，可以同你分享下!
首先你係完全唔需要計劃行程的。
除非你有大把錢唔諗住做野，否則我話你知呢度揾工唔係食生菜咁易，
而且物價高無工作度日係等於燒錢，所以好多時你既所在地係取決於你揾到工作既地點。
你可以計劃你大致要去既地方，但唔需要計劃時間，因為計劃左都無用。
whv你最需要計劃既，係你既首站，同兩星期到步既住宿。


whv注意事項:


首先要上網申請工作假期簽証 (working holiday visa subclass 417):
http://immi.gov.au/e_visa/working-holiday.htm
先申請ImmiAccount。申請期間需即時用信用卡繳交aud$365的申請費用，記得選擇體檢中心和記得記下申請號碼(TRN)以便之後check progress。

print左網上既體檢referral, 可打電話去佢指定既驗身中心(mk/tst/cwb) 約時間驗身照肺。驗身大約1個星期後成功的話會收到confirmation email (唔做體檢永遠都唔會批) 發出後一年內任何時間都可以入境澳洲，由入境日子計可以留1年，途中可以無限次入境出境澳洲。最遲出發前一至兩個月好申請，因為仲有買機票個d要準備。

買機票最平就廉航jetstar同scoot，可以上zuji同priceline網或agent價下格，單程早買的話大約 hk$2500，建議首站唔好揀perth。找的到步後兩個星期既住宿，可以的話住sharehouse最平生活環境亦都最好(A$80-120/wk)，找唔到就唯有住住backpackers先(A$20-28/day多人房,上網book)! 通常合租屋都要email預約同到步要俾押金兩星期。(參考網站gumtree(打sharehouse)/hostelbookers/背包客棧) 最好儲定A$3000帶去澳洲，萬一頭一個月都找唔到工都生存到，至於官方要A$5000其實唔一定要有因為無人會check的。(另我出發前另外大約用左hk$8000)

臨出發前最後就係買保險，將所有証書同証件scan入電腦send email俾自己(有用時print返出黎)，執行李，影印定証件, 交代俾屋企(例如卡數,代收信之類。

要帶既野: 一定要帶手提電腦同睡袋!
衣服：冬季保暖衣服,羽絨,一星期份衣服/內衣褲,帽,手套,
衛生用品：牙刷牙膏,洗頭水沐浴露(二星期分量),洗面膏,潤膚乳/lip balm,衛生棉防曬手品,蚊怕水/無比滴,毛巾,鏡梳,指甲鉗
小型電器：手提電腦,手機,相機,mp3,叉電器,風筒,轉插座或分3排蘇
其他：睡袋,小量洗衣粉洗潔精調味料,哂衣繩,風傘,吹氣枕,太陽眼鏡,摺疊袋,紙巾,藥品,旅行書,日記,筆等等
同埋我帶左個好細既飯煲同風筒都幾有用。至於帶gip或帶背包+旅行袋就睇你自己需要啦。


到步之後有三樣要做
1. 到銀行辦存款戶口+e-banking+atm卡, 出糧用 (NAB最好)
2. 買電話咭並上網activate
3. 上官網申請稅號TFN, 出糧交稅用
到步起碼兩個星期最好有固定地址, 因為銀行會寄ATM卡同密碼俾你, 而稅號亦都會係兩個星期寄出。

之後就開始找工作啦﹗有時真係睇運數，其實最好既方法就係同屋識多d朋友問工頭電話或直接介紹，機會率d。其次就係上網找(career.com.au/gumtree/背包客棧)、睇local newspaper或者周街派resume。working hostel會幫你找d唔錯既工作(貴租d但值得投資)，或者揾job agent。真係無飯開先好做chinatown $8/hr既黑工﹗城市工作通常都請都係通常侍應,售貨之類，文職唔請working holiday的。所以backpacker多數做農場工，易d找工之餘白工人工都有$18/hr以上。通常可以去到澳洲先開始找工，因為僱主知你唔係澳洲唔會請你。

我係澳洲識左好多人有好多唔同既開心體驗，希望幫到你!