我夢到自己因救人而死

apple

2013-12-21 1:48 pm

我琴日夢到自己參加同學既婚禮
個夢一開始既時候，我就好似已經知道要救人同救完人會死

咁開頭果陣，我番左去小學既禮堂參加同學既婚禮
禮堂已經排好幾排一行行既凳，右下角多左一個吧枱 (有野食同酒)

婚禮入面既伴娘同伴郎分別上台講啲祝福語同惡搞新娘&新郎
我本來坐係最尾果排聽緊佢地講野同笑緊 (新娘&新郎坐第一排)

突然間我聽到有人係度叫 (但冇人聽到，只有我聽到)，面容痛苦，好似中左毒咁
於是我係唔知邊一度攞起一樽野灌落佢度

仲跑去吧枱攞左一個酒塞，塞住佢個口 (夢中既我認為咁樣可以救佢)
雖然知道救佢我會死，但我都係救左佢

救完佢之後，我見到新娘(即我同學)企係我附近，但背向我
我叫左佢兩次但佢聽唔到，之後我好大力咁拍佢一下

(夢境突然冇左聲)佢望住我，我同佢講左句對唔住之後就訓左係地
畫面黑哂但有番聲，我聽到好多人係度叫我

之後我仲見到有人個對住我微笑，跟住就醒左

之前睇過一啲網站話夢代表你依家既情緒、煩惱、經歷，有啲仲話係預示
咁我想問個夢想提醒我啲咩? 反映緊D咩? 可唔可以幫我解夢?

PS: 夢中除新娘外其他人都唔識 (包括被我救果個)，更加睇唔到新郎個樣
我讀緊中三(女)

回答 (1)

用戶31973

2013-12-28 7:32 am

✔ 最佳答案

首先聲明, 我並非專業人士...所以我以下講嘅只係個人研究嘅觀點, 「只供參考」...

好多時候我地係夢入面睇唔清樣嘅比睇得清樣嘅人更重要...但又唔可以否定果個人係有一定關聯...
根據妳個夢嘅情況黎睇, 我簡略少少咁抽出幾個重點:
1. 已知嘅「命運」, 可能代表妳嘅「自我認知」, 比如現實中妳認為某D野比唔上妳果位同學...( 但只假設呢個係「局部」解釋 )
2. 妳地之間嘅距離...第一排同最後排, 問題係:「相距有幾多排? 遠的話, 點解妳能夠肯定佢地一定係最前排?」...其實可能代表「合理」, 比如係佢以前成績比妳好, 所以而家都比妳好...?...
3. 小學禮堂...妳已經讀緊中三, 但呢個地點存在住幾個疑問:「果位同學係小學同學? 定係妳中學同學? 現實中妳地有冇再見?」...而且, 妳會唔會認為呢個地方「浪漫」?
4. 酒塞...如果妳有醫學智識的話就會變複雜, 但無論如何「塞」都係重點...「妳想塞住D咩?」...唔好刻意去諗個酒塞同口嘅比例, 而係妳想用呢個「塞」去隱藏D咩?? 痛苦表情嘅果個人, 可能代表妳想隱藏嘅事物...
5.「對唔住」? 然後, 邊個對妳微笑? 「妳想得到D咩」? 原諒??

呢個係一種「前事」嘅解釋方向...每個夢都有佢解釋嘅方法, 同樣有好多私人要素隱藏係裡面, 所以問解嘅人都要自己思考一下...

👍 0 👎 0