投訴護士處理傷口不當

　　話說我細妹上月因為發生意外所以需要入院做手術，而做完手術之後，細妹的情況一直都進展得不錯。但過左無幾耐，佢手術傷口開始慢慢甩「焦」，之後細妹個物理治療師話，可以試下泡腳，加速血液循環，於是番到屋企阿媽就幫佢泡腳，點知泡完之後，阿媽發現佢傷口上面有一條線　拆漏左　！！　之後我同阿媽都好擔心，即刻帶番佢去洗傷口果度檢查，之後由醫生處理（醫生就咁剪左凸出黎果條線）咁剪完之後，醫生就話過幾日後等佢結焦。咁於是無風無浪又過左一個禮拜啦，但一個禮拜之後，細妹果個已剪既線頭位開始出現發黑，脹脹地，最後仲穿埋，流血水。咁我地梗係勁驚，就帶佢去洗傷口果度睇下咩事，咁之後個姑娘就同細妹用生理鹽水洗一洗，話冇乜野既，小小事，但係自從穿左之後，ｏｒ　可以解作最後一次洗完之後，細妹個傷口就有ｄ　血漿痴痴地，隔住膠布仲流好大攤黃水。阿媽依家好嬲，想話投訴當初拆線個護士唔專業，因為原本細妹傷口已經好得七七八八，就無啦啦因為個線頭，搞到佢心情都好差。

我有幾個問題想問既：

１. 我地應唔應該投訴個護士？因為其實後尾發現原來係拆漏左２針！！
２. 細妹個情況正唔正常？因為自從剪左之後就搞到係咁流黃水
３. 如果投訴，應該去邊投訴同埋點投訴？

多謝好心人解答。。。