感情問題 (very long story!) 好無助

首先講下我同男朋友既background:
我有一個同我拍左拖3年既男朋友(簡稱T), 我同佢都係系外國地方E生活,我20歲係學生,而佢21歲冇再讀書番緊工(中餐廚師). 我係系一個朋友gathering到識左佢, 大約由認識,之後成班friend日日見一個月之後,我同佢一齊左,變為情侶. 而我同佢起埋一齊呢個決定,其實我諗我地冇咩點諗清楚,好隨便地就一齊左.

我同我男朋友變為情侶既原由:
果晚我地成班friend又出去玩, 果時我同緊一個叫L既人一齊. 本來我果晚打算玩完之後就去L屋企過夜, 但由於果晚我同呀L分左手, 我玩完之後冇可能再去L屋企過夜, 而我又飲左酒又已經好夜, 所以都冇打算番自己屋企(我屋企比較遠), 呀T就提議去佢到, 話有兩間房. 於是我就去左呀T屋企, 去到之後我地就傾下計, 得知佢有一個女朋友系中國前日散左, 而佢另外仲有一個女朋友系中國, 然後佢就無啦啦話: "如果我同第二個女朋友都散埋,你受唔受我溝?" 之後我就講左句: "你散左既, 我咪受你溝囉" (其實我只係講下,因為我冇諗過佢真係會做) 結果一講完, 佢就上QQ同佢個女朋友講分手, 個女仔係感勸T唔好分手, 但呀T仍然堅持, 最後我同呀T就係感一齊左.

一齊左之後個幾星期,呀T就要由地方E搬去地方A做野, 兩地大約相距3個幾鐘車程, 就係感, 我地變為 long distance relationship, 佢每3個月倒番黎地方E搵我幾日, 維持左大約一年. 一年之後, 佢決定番黎地方E做野, 佢邀請我同佢一齊住, 就係感我地就一齊住, 一住就住足兩年,到依家.

其實我對呀T真係意見多多,
-搬新屋既所有野都係我一手包辦 (果時佢未番到黎地方E), 佢只係負責出番買家俱既一半錢, 所有既野都係我去買,我去搬, 而到最後到佢番到黎都冇咩點出D咩力, 最後都係我一個人settle哂
-屋企所有清潔都係我做, 日用品都係我買, 屋租網費都係我每個月自動自覺去交, 佢就原全唔洗理
-佢冇慶祝節日既習慣 所以我生日可以冇蛋糕or禮物 更加唔好講其他節日
-同埋我發現佢份人真係好唔注意乾淨 牙可以幾個月唔擦 涼又可以兩日先沖一次
-好日都唔洗衫, D衫,褲,socks 可以重複再重複再重複感著
-份人成日口花花 就算系我面前都可以攬住第2個女仔, 我亦曾經發現佢好曖昧地同第2 d女仔sms
-由於佢番工番足十幾個鐘, 一個月都唔會有一日假放, 所以唔會成日陪到我, 平日放完工番到屋企, 就要relax, 所以唔會點陪我, 只會打機
-呀T係超級變臉人, 佢成日都要講大話,扮乖仔, 前一秒笑容滿面,一離開D人, 就可以即刻系面, 我真心覺得好恐怖

我真係有盡力體諒佢, 我知佢番工辛苦, 屋企d野咪我做囉, 唔過節日咪唔過節日囉, 佢唔注意衛生都算啦, 好多時我都忍 (我同佢住之前已經講我有D潔廦), 平時要打機relax咪relax囉, 口花花就口花花, 唔好太過份就ok
佢出街, 打機, 我從來唔管, 佢電腦電話從來唔比我掂/睇, 咪唔掂 (雖然我試過偷睇電話幾次)

但我都有自私既一面, 我唔可以真係做到感偉大
就算我唔出聲 唔等如我真係OK 我其實個心好唔開心好唔舒服
到我真係出聲同呀T傾既時候 佢永遠冇錯 OR 用"得啦得啦"HEA我 OR 開始悔氣地話佢番工幾忙幾累

一直以來, 我從來因為佢唔開心,喊既時候, 佢都唔會點安慰我, 只會話: "你喊完未呀", 如果我繼續喊, 我就會唔理我, 所以我好怕系佢面前喊, 因為佢會有D嬲+黑面
佢成日口花花, 又係超級變面人+大話精, 所以我真係好冇安全感

由於經歷耐左, 我個人開始爆啦, 有一次終於好堅決地同佢分手, 我地分左手2個月 (期間佢有問過第2個女仔做唔做仍女朋友), 但分手果時仲係一齊住, 關係似情侶又唔似情侶感, 終於我又頂唔順, 要求同佢一齊番, 而佢都答應左 只係講明 "如果冇壓力既,一齊番冇問題"

一齊番之後, 我知佢對我有好左d, 放假會陪我多d (雖然一個月都冇一日假), 願意幫我出力買少少野, 比下錢感, 最難得係我有次喊, 佢居然有堅持哄我

煩惱:
最近我同T嘈大交, 令我又有分手念頭, 但我發現 我人在外國, 冇咩朋友, 家人同好朋友都系HK, 系呢邊我只有佢, 我識既所謂"朋友"都係呀T既朋友黎, 我如果自己搬出去,又屋租貴, 但我知道如果日日對住佢, 我一定放唔低佢, 有時我覺得我只係想有個人陪, 所以先一直離唔開佢...我真係唔知點做好? 我好無助, 我好掛住屋企! 我唔洗再以淚洗面, 我個心真係好痛...感覺3年既付出換來既只係一個冷酷無情既人...佢可能根本冇愛過我