究竟我係一廂情願定點？我好想知佢真定假

我係一個女仔，我中意果個男仔大我2年，今年19歲，同佢係鋪頭食野識嘅，佢係鋪頭嘅廚房師傅，佢外貌屬於中上
間鋪頭開左4,5個月左右，佢係跟佢爸爸一齊入鋪頭做嘅，佢份人都幾成熟幾識諗，每次去到鋪頭佢都會特登係廚房遞餐個窗臺望我打招呼或者行出黎同我傾計
由於個廚房有個大窗可以比客人望住師傅拉麵，所以大家都輕易望到大家，樓面阿姐同個廚房師傅都話佢一見到我黎鋪頭都成日望我。早2個月鋪頭等人用之下就搵我去做兼職，佢好幫我成日照顧我，我開頭諗住因為我新手同埋年紀比較細佢幫我唔出奇一直都無咩特別。11月嘅時候，我一次買kfc番鋪頭當晚飯比佢發現左我去kfc好近，成日我一放假就搵我問我係邊話佢想食kfc。記得有一次我係鋪頭附近cafe溫緊書，佢睇到我ig張相就即刻問我可唔可以幫佢買kfc佢落黎幫我睇住個位，果次我覺得佢有啲啲唔同，我去幫佢買嘅時候佢無啦啦打比我我有啲出奇，問佢做咩打比我果陣佢又窒窒下咁諗左諗
佢：無我驚你行去果陣悶丫嘛！我：下我點解無啦啦會悶佢：你好想收線咩下？
我買完上番去比佢食，果日我著裙我一坐低佢就話：喂你走曬光啦
我見自己係合埋腳坐咪以為上身烏低拎銀包走光，呢個時候佢話：我係話你著裙就唔好棟高對腳上凳啦，度腳度到走曬光比人睇。
我話：知啦唔洗咁留意我嘅，我會睇住。
佢食嘅時候我就繼續溫書，feel到佢一路食一路望住我，自然反應望番佢問佢做咩，佢唔知係呆左定咩，停左手：多事啦你！快啲溫書！
果晚佢唔知做咩成日有意無意行出黎聊我傾計，我行入鋪頭佢都望到實。仲有佢有時會攞我手機睇我ig同wtsapp
11月尾，有2個女仔日日都黎鋪頭食野，當時我知自己已經中意左佢，所以一直睇呢2個女仔唔順眼，每次見親我都變曬面連廚房師傅都睇得出，果時其中一個廚房師傅講笑話：喂快啲氹番阿嫂啦阿嫂嬲啦！佢聽完之後面都紅曬無出聲，有一次翻工撞正呢2個女仔黎食野，2個對住我指指點點唔知笑咩，忍忍下火起對住佢問：喂佢2個係咪黎搵你架？佢呆一呆：唔係呀唔係呀！我就無理佢去執野果啲，到果2個女仔走左，佢叫我行埋窗臺度，我見佢黑曬面我以為佢想鬧我
佢：喂過黎呀
我：做咩呀
佢：你頭先做咩姐，成個癲婆咁樣好失禮wo，控制下自己啲情緒先得架
我：我知啦無下次啦（伏左係窗臺望住佢）
佢無啦啦伸隻手出黎摸我個頭：乖啦好無？
我（未反應得切）：哦知啦...
到左9點幾我出去執筷子嘅時候佢行出黎，又有啲黑黑地面咁：你發_完癲未呀？！
我：咩呀我無事啦又鬧我做乜==？
正當我諗住轉身走嘅時候佢捉住我隻手拎番我轉身輕輕力搣我塊面：乖啦笑番啦好無？
其實我呆左同埋有啲不知所措
咁啱果晚約左人入屯門食宵夜，佢本身住屯門嘅不過佢好耐無搭我搭果架巴士，我同阿姐講話約左人宵夜去屯門
佢加把口：我唔會同你同車架唔好跟住我
我：無諗住跟你wo你唔係好耐無係南豐搭車啦咩？
佢：乜你去南豐搭咩？
我：係呀有咩問題
佢：我今晚去南豐搭wo吹咩？
雖然唔知佢有心定無意，不過都幾開心，係wo前面未講，次次我買雪糕食佢總係問都唔問行過黎唔理我係咪食緊搶去食，用同一隻羹，同埋杯雪糕係我食下佢又食下，究竟係佢真係唔介意定咩？
有次wtsapp
佢：如果我做埋今個禮拜唔做好唔好呀？
我：點解咁突然嘅？
佢：唔想做囉..想唔想呀？
我：咁你打算做咩？想就唔想架啦
佢：真係？真係唔想？
我：咁唔通我唔想你就做落去咩我又唔會逼人嘅
佢：咁呀，好啦做多陣先啦！
我：好似有啲勉為其難wo
佢：唔係！梗係唔係啦！
過左一陣佢無啦啦扭計整啲怪聲出黎
我：做咩姐你？唔好扭計啦乖啦
佢：唔制呀！
我：唔得咁架wo大個仔唔比扭計架wo
佢：好啦
我以為我同佢係有機會發展，原本打算同佢表白，到左12月頭一晚佢個fd約佢tw宵夜比佢見到我同另一個男仔fd宵夜，佢一見到我就行埋黎：喂你個fd呀？我：係呀普通fd，佢：哦！
之後因為大家相距唔遠，我個fd話全程佢都望到實，視線無離開過我地2個
2日後一晚佢po ig，原來佢同第二個女仔開始左，第二朝我訓醒見到張相崩潰左，個心好唔舒服喊左出黎，但見到佢覆我個開心樣我知道佢係真係好開心...但我好難受，果日我入左屯門，臨走嘅時候咁啱係街嘅轉角位見到佢，但我無理佢，我怕我忍唔住係佢面前喊，佢有即刻wtsapp我問我入屯門做咩，但我覆得好冷淡，當時我係西鐵入面眼淚已經想湧出黎，到第二日翻工我無睬佢，佢唔知點解我唔理佢嘅..
我同左佢個fd傾呢件事，佢個fd同佢識左好耐話不如同佢講清楚，星期日果日朝早我係ig po張圖間接講清楚自己感受，其實我諗佢前果晚唔多唔少都估到啲，當佢睇到張圖嘅時候佢即刻wtsapp我，佢話佢對我同對樓面阿姐係一樣，姐係我係佢心目中只係同事？佢一直比我嘅都係假象？我好想知究竟佢對我有無好感過，究竟我係一廂情願定點呀？