終止懷孕..唐氏綜合症!!! 急

等一等，小姐，妳不能隨便終止手術。首先，你現在已經21周了，有點危險（不過死亡率很低，你可以放心。）。其次，一般病人做罷此十之有九會有內疚的心情，有些甚至因此患上PTSD。
據本人經驗，最普遍的兩種做法是vacuum aspiration, D&E。
但請留意這兩手術的風險。
它們可能會令你嘔心，頭暈等。
有一種罕有個案，我們暫時沒接過，就是宮外孕。如果是這麼樣的話， vacuum aspiration 也無法終止手術。
如果做D&E (你目前懷孕不止三個月吧，後遺症較大），你可能會有更多出血的情況，或者腹痛。
其實我們一般建議盡快測試，不然真的會後悔的！

已怀孕21周 太不安全
政府医院唔会同意

除非揾秘医大夫

那盡快安排抽羊水檢查吧！若證實有問題，私家或政府醫院也可以做終止懷孕手術

我黎緊12月10號去朋友介紹架婦產科做產檢..會再問醫生我應該要點樣做!! 因為我去左健康院佢都係將我掉去屯門..但屯門都係話無得做唐氏...唉..我依家只係等去私家見醫生問詳情...因為我另一個問題就係金錢上面..所以係呢刻架我..都好大壓力......咩都係要等..所以我已經好灰.......

我本人在第二胎，遇過妳嘅問題，當時因腹痛，到私家診所求醫，初時仲以為婦科病，後來驗孕先至知自己有4個半月（約18周），我帶住醫生信到政府醫院排期，佢哋話我過咗度頸皮階段，要我去睇私家醫生，check好哂基本嘢先肯收我症。
我第二日走到急症室，出示咗醫生証明，要求檢查，因為腹痛未痊癒，又擔心BB情況，向等候至離開2個幾鐘時間內，醫生只要求我再驗多一次孕，無做過任何檢查，包括超聲波、觸檢都無，又開咗一張懷孕証明俾我，問我要唔要止痛藥。
當時我問佢，點解唔幫我照超聲波，佢話我去過廁所，照唔到，我再問，點解要我驗多一次孕，佢話我之前嗰張醫生証明，婦產科唔收，佢開呢張有牙力一定收，叫我掉咗張舊嘅。

2013-12-06 12:36:35 補充：
等到姑娘交封信俾我，又同我講，婦產科收咗工，叫我第二日再嚟，當時真係覺得好勞氣，好無助，又浪費啲錢同時間。
第二日上到去婦產科，佢哋幫我抽血、做咗最初步嘅檢查，介紹咗一堆產科醫生俾我，前後差唔多用咗兩個禮拜時間，先至交到資料同証明俾佢哋。
之後按周數，我被安排到日間護理中心檢查，係續度頸皮之後嘅檢查（唐氏），有抽血，但準確度唔高，佢哋話，一兩日就有結果，兩個禮拜內無電話就可以放心。
我第三日收到電話，姑娘未講清楚，我心知不妙，已經喊咗出嚟。佢話我第18條染色體多咗1條，叫T18，風險好高，唔關唐氏嘅事，叫我唔使出去驗，返醫院先，我當時聽得一頭霧水，都唔知咩嚟，本來當日要返工，我喊住請假。

2013-12-06 13:19:06 補充：
嗰晚我喊咗好幾個鐘，不停問點解，大仔又無事，健健康康，呢個點解會咁，不停自責，到最後，我上網搵答案，原來T13（巴陶氏）同T18（愛德華氏）遠比T23（唐氏）更恐怖。我係T18風險4百幾：1
其他嘢我唔多詳談，妳上網睇。
隔咗1、2日，醫院安排一個醫生同個顧問醫生，幫我做一個詳細超聲波檢查，結果係小朋友向肚內，要有嘅嘢都齊全，只係健唔健全，以佢經驗認為，靜待BB出世，佢話只係一個數據，唔好俾個數據嚇親，但無辦法令我放心。

2013-12-06 16:30:54 補充：
我問佢，如果我抽胎水會點，佢話如果BB係正常，我就要冒住 200：1 嘅流產風險，但我自己覺得，唔抽胎水，而BB真係有問題，我就要冒住50%胎死腹中，或者BB出世後，會因為機能或器官問題，不出一年而死嘅後果。
我只有3個選擇，抽胎水驗、乜都唔理，生咗先算、同終止懷孕。因為好多嘢，都唔可以到23周至決定。
第一、要繼續保留，佢哋要安排下次檢查。
第二、抽胎水亦要排期，需要時間。
第三、唔能夠超過24周終止懷孕，係非法，所以一定唔會幫妳做。

2013-12-06 18:09:40 補充：
我向決定之前，咁啱遇到個，曾經教我餵人奶嘅姑娘，我將件事同佢講，佢教我兩手準備，先出去搵個私家醫生睇多一次，將個情況同個醫生講，聽下個意見，但同時間，照樣安排抽胎水，真係唔放心就縮沙，去揀終止懷孕。
坦白講，雖然BB未識踢我，但向我個肚度咁耐，始終有留戀，未去到最差一步，都唔想放棄，要就一齊面對。
經朋友介紹，搵到中環一位婦科醫生，個姑娘知道我好急，盡量幫我安排，向抽胎水嘅前一日，終於見到醫生，佢知道我來意同顧慮，超聲波檢查後，同我講，佢幫我睇過，胎盤位置、心臟、腦部、面部、手腳，各器官及比例都一切正常，抽胎水應該風險唔高，可以放心做，臨走我先知，原來佢哋開OT睇埋我，真係唔話得。

2013-12-06 18:41:33 補充：
仲跟埋隻CD俾我留念。
第二日去醫院，老公同大仔向出面等，醫生同顧問醫生都向出面，兩個姑娘入嚟幫我一齊消毒肚皮，之後一位負責望超聲波嗰個畫面，一個負責落針，支針有我手板咁長，搵啱位置，先穿過我肚皮，再穿過子宮，一層一層，都感受到，痛真係好痛，但應承個BB一齊面對，再痛都要忍。
我望住螢光幕，BB不停咁轉身，見到支針頭，差幾毫米就畫落BB身度，睇見真係好擔心，當認為安全嘅時候，就開始抽胎水，原來呢一刻先至係最痛，抽完後，放落幾支試管，帶去化驗，我只係肚皮有少少血，噴咗透明膠布，休息一兩個鐘就出院，同時間，醫生俾咗封信我，話有見血，穿水或肚痛，都可以即時入醫，

2013-12-06 19:05:55 補充：
而且仲問我，做唔做快速測試，價錢約$1500左右，我記得幾日就知結果，如果唔係，就要等大概兩個禮拜，同樣準確度達99%，全面啲，但我唔等得。
出面婦科醫生曾經講過，其實出面有得抽血驗，但只驗3條染色體，費用接近1萬，風險低，但又唔夠全面，佢亦講過，去到要抽胎水嘅階段，就唔好諗咁多，反正等嘅時間差唔多（快測），無謂使咁多錢，通常會係早期度頸皮，結果唔理想嘅孕婦，唔想俾時間折磨而考慮。

2013-12-06 19:43:48 補充：
講到尾，妳知道有，同妳想要之後，有無去政府醫院排期，期間，妳有無做產檢。
妳睇下趕唔趕得切抽血（不論政府醫院還是私家）時間雖然有啲緊迫，但唔好一直向壞方面諗，如果BB狀況真係唔理想，自然會有人向妳建議，唔好諗終止懷孕住。
最緊要，搵醫院排期，見咗醫生，睇佢哋點安排，自己養好身子，唔好俾負面情緒影響妳，因為同時間，一樣影響緊個BB，佢係會知㗎！有BB係喜悅嚟，開心啲。
我嘅情況向嚿年10月發生，我上面提及嘅，係政府醫院，BB今年3月，平安順產出世，依家8個半月大，一切正常。我36歲，算係高齡產婦，我唔知妳本身係咩情況，但我要驚同擔心嘅，總唔會比妳少。

2013-12-08 10:28:16 補充：
我自己本身，都算係全職家庭煮婦，大部份收入來自老公。
有咗BB故然好開心，同時間，都擔心經濟能力。
呢次懷孕，我大概使咗$3,900
第一次我出去搵婦科檢查，使咗約$600，做咗驗尿、度高磅重、同照超聲波，正確嚟講，係睇下我預產期，懷孕幾多周數同BB狀況，最後送咗張超聲波相。
第二次去咗第二間，因為第一間無得照結構，就向我抽胎水嘅前一日，我使咗$1,800，送隻VCD
第三次，係向醫院俾，快速測試檢驗費，約$1,500
妳要記住一點，我係被驗到，23對染色體，其中一對高風險，上面之前我打錯，（唐氏）我只係4千幾：1（愛德華氏）我係2百幾：1，所以醫院同我，都好緊張件事。

2013-12-08 10:42:09 補充：
妳依家乜都未知，唔好胡思亂想咁擔心住。
印象中，我第一胎都好似無驗，記得當時好似只係幫35歲以上孕婦做，無依家咁普及。

2013-12-08 11:15:53 補充：
我弟婦，兩胎都向屯門做檢查同生，都OK嘅，佢哋收咗妳，放心啲啦！
將自己嘅顧慮同擔心，一一講俾佢哋知，等佢哋幫妳作個好好安排。
食多啲深綠色蔬菜，吸收葉酸（腦部發育），不過可能遲咗啲，（菠菜、西蘭花、菜心），飲下孕婦奶粉或者高鈣低脂奶（骨骼），少食多餐，均衡飲食，濕毒（皮膚敏感）盡量避免，唔好補得咁犀利，可能會影響糖尿同血壓。
最後，問多啲專業人士意見，尤其是妳俾錢睇嘅，佢會好樂意答妳，記住唔好，好似我咁長氣呀！

2013-12-08 12:03:44 補充：
妳睇下，10/12見嘅婦產科醫生，有無得睇埋BB結構，費用幾多，如果能力許可，俾多少少睇埋個機構，好過第時需要，又要再嘥錢嘥時間，到時可能仲貴。
其實我之後有諗過，如果我一開始就搵個全面啲嘅婦產科醫生，咁我可能就可以慳番嗰$5百幾6百蚊錢，又或者唔使俾咁多。妳去問下啦！

2013-12-11 18:50:32 補充：
我好想知妳個檢查結果呀？係咪虛驚一場呢？