究竟呢個朋友（同事）想點？

我有個（本來）都幾close嘅同事A，開頭佢份人都幾熱情幾nice，我哋會一齊lunch呀行街呀咁。但係久而久之佢會有啲嘢唔高興會唔睬人同黑面。有次因為我同另外一個同事B chat 冇加佢入去，佢嬲咗我哋，後尾我同事B問番佢先講個原因，我心唸唔係下化，咁都嬲？ 同事B應承佢下次會add佢入chat 佢先冇嘢。 我當時已有啲頂佢唔順， 後來因為有時冇講啲其他同事嘅嘢佢聽，佢都會黑面，之後我哋幾個同事都醒水，會儘量include佢， 有嘢食又會同佢分享。咁佢份人如果覺得你對佢好，乜都話俾佢聽佢又會對你好， 但係我真係唔知幾時又會得罪佢。因為同佢同一team， 所以唔想有磨擦都會就下佢。後來我bf 同A提過我哋會同幾個朋友去trip, 問佢有冇興趣 （我bf 喜歡熱鬧）。其實我唔太想同A去，但係如果唔叫佢，佢又會嬲， 真係死蠢，我因為怕佢嬲， 叫咗佢去。惡夢嘅開始！ 去完trip佢約我同我啲朋友 （有一齊trip有唔一齊嘅）去玩， 我有turn down 佢，冇叫我其他朋友，但系佢竟然私下約我啲朋友， 又特登趁我出trip約佢哋出去，之後又作啲藉口話 ‘你都唔得閑啦’ ‘你都唔鍾意玩呢啲’ 之類。約我啲朋友去食飯又一邊扮冇聯絡 （但我個朋友講咗我聽）。今日又約我朋友呢個星期日出去， 仲叫我朋友搵多啲人。。哈！ 點知我朋友開咗個九個人嘅group chat （4-5 個人唔得閑）! 好明顯A冇打算叫我，如果唔係我冇理由要響個chat 度知道！佢仲要扮曬冇嘢發生！不過我知道佢私下同我個朋友傾， 如果有四，五個人就照去！
因為A我好唔開心！個心好唔舒服，頂住頂住又冇得發作！如果唔係同一team我可以唔同佢講野，但係而家仲要日日見住！ 越來越唔喜歡佢！我有儘量想佢嘅好處但係佢嘅行為令我覺得佢好黑我僧！！
太家可以幫我分析下嘛？ 呢個A想點？ 點解要入我個朋友圈？我覺得好似俾人侵犯我嘅私生活！而家佢成日都搵的節目出嚟約我的朋友 （但係A有BF），我真係唔想個個gathering 都要叫佢！好煩好煩！！bothers me a lot!! 求解！！ 唔該曬！！