夜校.中1學歷可唔可以直接報中5夜校?

朋友... 334 學制已經行左幾年啦, 中五學歷唔算係中學畢業了.
而且, 你要考公開試, 有張成績單, 先真真正正叫有中學學歷呀...

如果你已滿 21 歲, 不如你考慮一下毅進計劃
http://www.yijin.edu.hk/tc_chi/introduction.html
修畢課程又合格就等如文憑試五科 (包括中英文) 合格
不過每年只會開一轉... 假如你真係有興趣, 就要等明年了...
另外, 學費其實都係要考慮嘅問題...

就算有間學校收你讀高中, 個人認為你都係跟唔上... 講真, 好無謂.
或者趁空檔你可以搵 D 比較簡單嘅課程,
例如 LCCI Bookkeeping, 去工聯會, 幾百蚊已經有書讀
讀完比多幾百考個試, 就有張國際認可嘅證書...
係... 張 cert 係好多人眼中係廢嘅, 不過有同冇嘅分別, 就係咁簡單了...
比幾百蚊, 試下自己係咪幾分鐘熱度先啦...
唔係幾萬蚊學費只會浪費...

報讀夜中學課程需具備學歷證明文件，證明可升讀有關級別或入學測試合格。