頂唔順想辭職但係13個月糧就到

我頂唔順個公司個會計，我公司只係小企，連同老闆得6個人，有個仲要係老闆娘黎，但係個會計，同人講老闆之後佢最大，所以成日擺款，做D小欣小慰要我去多謝佢。佢有事做唔到，第一時間搵我負責，跟本佢自己CHECK都唔CHECK自己有無問題OR做錯。總之令我覺得，係我「令」到佢做唔到野、係我唔「ARM」咁。

例如:上星期佢「又」話收唔到我出的電郵，其實係佢個電郵爆左唔清理，我同老闆娘講，佢唔係第一次話收唔到，託老闆娘同佢講清下個INBOX，佢發哂老皮話我搵野投訴佢，而且係我SEND D 電郵MB過大，佢先至會爆郵箱。一個星期唔夠，佢個郵箱得返0%使用糧......(我好難唔覺得佢係度玩野!!!!)

我都有同同事講過，同事都對佢也有不滿。我有時頂佢唔順，都係係佢背後罵佢，無當面罵，亦無指明道姓咁罵。當然激氣起上黎，話殺佢全家都有。老闆話佢有權告我，唔好當面同佢講喎。條會計有無係我講的時候聽到入耳就唔包啦! 返工已經粒聲都唔出就坐底做野，盡量避免同佢有瓜葛。

當然那條會計，不時搵D野黎「令」我好似欠左佢同「無家教」咁啦。例如: 打卡，係佢每個月去負責換卡，佢有心返晏D(點解知佢有心? 佢每日都返早過我，係1號返晏架咋!)，話幫左我打左卡，其他同事唔打架，我唔理佢，佢就拍我張台，同我講「幫你打左卡啦!」D咁的人，即係要我多謝佢啦........

今天佢又搵D野黎同老闆講(激動個隻)，而老闆就搵哂我地全公司同事照肺。我與公司同事講哂佢D野比老闆知，老闆唔係完全接受我地的投訴，亦話唔係編幫邊個。只係叫「我」對個會計態度好D，我自覺已經好忍讓，咁即係連背後都唔罵得個死會計......好想遞信辭工，但係D朋友話佢早唔投訴遲唔投訴，依家先黎炒大鑊，係想我辭識唔洗出第13個月糧我。

已經當那條會計透明左好耐，係佢亳無意識自己有幾克人增! 對住佢已經唔識笑，自問做唔到同佢講早晨、多謝。

依家我想問:我要幾時遞信，先有第13個月糧? 如果呢幾個月條會計又玩野，要點對待佢? (係老闆話唔想間返到公司個個面左左的情況下。)


(多謝大家幫忙)