好想同個女仔表白,但不知如何是好...

首先介紹自己先....
我係男,今年19歲,性格內向且文靜;讀緊大專,基礎文憑1年;社交圈子麻麻地,女性朋友極少,一直以來都"唔識"去識朋友,試過參加過一啲社交活動識朋友,但都係失敗左,倒頭來講左一、兩句野就係咁先.......都知自己冇乜吸引力,又冇乜幽默感,所以成日都好自卑。(如果有100分覺得自己自卑,我就比自己90分).......

講正題.......初時第一次上堂見到有個女仔一見鍾情,幾乎時時刻刻都望住佢,比我好大吸引力(不只是身材咁簡單,而係散發出黎既氣質/魅力),而且係自我介紹既時候更令我發現佢既興趣&選科同我一模一樣,又係鍾意睇書同幫人,果刻已經好想認識佢....

直至有次係圖書館撞到佢,同佢微笑打左次招呼,然後走果陣時又見到佢,但果一刻比唔切反應,只係輕輕點左頭一下........(走果陣回想起好幸運/有緣,同時遇見2次,但又後悔冇同佢傾番1,2句)......

再之後有次學校舉辦左個義工活動,我見到佢有參加我又去參加(當然並不是盲目為左佢而參加個活動,50%為佢,50%為活動,但是為左佢係先導條件);想透過個活動去了解佢,認識一下,交流下心得加深印象。不過真係估唔到佢係個活動中竟然主動邀請我一組,電話都交換埋,正當我開心之際,有個男生又主動邀請佢一組,佢問我可唔可以同果個男仔一組,那刻我心情即刻低落左好多,於是與心中違背講左句:「哦,好啊。無所謂。隨你喜歡!」,講完句野都後悔莫及,不停胡思亂想,到底我做錯D乜?!我又冇理由走去強人所難,逼佢同我一組,只會傷害佢;更甚可能誤會我添........

不過可能我惗多左,但至從果次之後一個禮拜內佢完全冇理會我,見到我冇打招呼,係咪佢洞察/意識到我鍾意佢!?故意避開我!?直至最近佢終於理番我,同我微笑打招呼番,但已經有幾個男生同佢熟絡左,仲玩得好埋,自覺一切太遲、原地踏步,衰在目己內向,一無是處.....但我始終對佢一見鍾情,好想認識佢、相處、玩樂,甚至表白,但自問表白經驗零.......

題外話,以前中學都有個同依家既對象幾乎一模一樣(指內涵、興趣、衣著、身材、外貌有八份似),又係暗戀過;佢又對我有好感,好可惜佢後來有男朋友.......錯失左機會,因此我唔想放棄呢個「命運安排」,難得機會再一次出現係我眼前,無理由唔珍惜......

希望有經驗既女仔/仕或男仔/仕比一些意見/分享,謝謝!