冇讀M1/M2，想做小/中學數學老師，有咩方法?

中小學數學老師需要既只係兩樣野，第一係與數學有關既First Degree，如果你嗰個唔係數學Degree，咁你中學必需要讀過M1 或 M2。第二係你需要一個專業教育學位，直接讀數學教育Degree 可以，或者你有數學Degree再補PGDE都得。

樓主因為無讀 M1 或 M2，所以一定要讀數學Degree 先，然後再補PGDE。如果唔係，就必需要直接讀教院既數學教育Degree。樓主既問題係無讀 M1 或 M2 既情況下，有無大學肯收你讀數學或數學教育Degree。如果樓主讀理科為主，有讀Physics，而且DSE成績唔係太差，並且以各大學數學或數學教育Degree為第一志願，咁機會就大D。但要留意係近年各大學鐘意面試收生，據聞數學系亦唔例外，所以樓主會面對好非常多有讀M1 或 M2，而且呢兩科成績非常好既同學，樓主係呢班申請者中會係比較少數。所以樓主依家要做既係必定要讀好D書，考好DSE，小心揀科先至有機會實現理想。

2013-11-30 23:21:42 補充：
樓主講既係事實。要入U讀同數學有關既Degree，讀M1 / M2 係基本條件。另外，數學Degree 係非常專業既課程，唔係理科生及無讀M1 / M2 真係應付唔到，大學亦唔敢收你，樓主要唸辦法滿足各院校既基本入學要求。

2013-12-03 22:51:26 補充：
樓主既問題有意思。如果你係大學商學院專門攻讀金融學，尤其係計量財務學，當中既學問幾乎全部都係數學，而且仲要係可能比數學系更深既數學。有趣既係，由於依家大學係揀學院入，去到大二先分科，所以好似樓主既文科人絕對可以入左商學院先，然後憑好成績入金融系。不過，由於商學院乜人都入得，大部份二年級揀金融既同學多數來自理科，佢地一般有M1 / M2 底。樓主可以同佢地競爭，但必須要付出比常人大幾倍既努力。

2013-12-03 22:54:57 補充：
有個問題樓主要唸清楚，就係出來就業既問題。的確有讀金融既朋友去教數學，但大多數金融系畢業生會入番金融行，就算教書都會教商科或金融，教數學既極少。多數教數學既先生主要畢業於數學系及統計系，樓主要仔細唸清楚前途。