其實我同e位女性朋友的關係係點樣？

可能有d長！如有唔明，請見諒！

我有個女性朋友，我係鐘意佢既！
佢應該都知道我鐘意佢，我唔知係咪真既！
但佢已經有男朋友，而且曾經問過佢，佢話我唔係佢鐘意既對象！
但佢都好似無咩野，無話避開我,照同我傾計，但多數我搵佢講野比較多，

之前佢係學業上有D唔開心，壓力，同埋同班上既同學關係唔太好咁，
變左e家我同佢變得比較熟落！
有時大家我都會主動係WHATSAPPS搵佢傾下計，佢都會覆我既！有時佢都會搵我問下野既！

放飯個陣大家都會一齊食，之後大家一齊行下街咁！
同佢單獨果陣，可能佢性格比較文靜，有d唔太自然甘，大家無咩計傾，
我有時都會提出D話題去同佢傾，但有時佢無回應，up頭就算，亦有時都會大家講幾句，但好快又靜翻哂！
佢都有時都會講下自己既野，但可能自己唔太識講野技巧，好快又無咩野講！
可能自己講既野有d無聊，同埋同佢無咩共同話題可以傾啦！
佢同其他fd一齊幾多野傾，而且有講有笑，同我就比較小！
有d唔太自然甘..我覺得佢唔似對其他人甘對我！

有時行街，或者食飯個陣，佢會問我我想要既野買左未！
而且有時都會講下佢既野！
同埋有時都會記得我同佢講過話想去既地方！

不過唔知係咪自從佢同我講話佢男朋友唔鐘意我地玩得太埋，
我覺得佢好似唔太想理我咁，
例如近排WHATSAPPS搵佢係唔應咁濟，就算應都係好冷淡咁樣！
但佢繼續肯同我放飯個陣一齊食飯，空堂個陣肯一齊周圍行！
而且仲記得我同佢講過話想去既地方！
有次放學個陣咁岩落雨，佢都肯同我一齊擔傘！

我想問下：
1.我同佢e家關係算係點樣？
2.根據我既情況，點樣可以同佢傾計可以令佢深刻D，開心D？
3.我唔想大家既關係好似尷尷尬尬咁，其實有咩方法可以改變到？

因為今年就要畢業，大家就快各散東西，希望大家可以日後都會有聯絡！
如果佢唔開心個陣仲會記得我，唔想大家既關係最後變回陌生人呀！
雖然我係鐘意佢，但佢有男朋友，我暫時唔想破壞人地感情！
同埋我覺得我自己係佢既印象變得好差！

希望大家可以回答我e個問題呀！
如有唔明，請見諒！