求救,我家老貓連續五日嘔黃膽水

我家中老貓已經14歲,近呢一個禮拜都有嘔吐
一開始頭一日係嘔食物,之後係嘔黃膽水,已經連續五日
每晚寧晏4,5點佢會嘔一次,我地成家都比佢嘈醒,
之後日頭下午既時間又會嘔一次,每次都係嘔黃色物體,
有少許泡,同埋好臭,份量就係一次嘔會3個地方(3*達*),
頭個3日都無話點無胃口,但係第四第五日開始食少左野
個身仲好似輕左~(本身佢都好肥)
我唸住明天就會帶佢去睇醫生,但我都想知道咩事,我好擔心
因為佢都已經成14歲,但係我呀媽每日都喂佢食魚(唔知有冇關係啲魚唔乾淨)
因為老貓腸胃應該都無咁好? 但係我隻貓又食魚又飲奶又食零食
會唔會係因為咁既問題?
除左嘔兼膽水同無胃口食野,精神好似暫時未有問題,脾氣依舊好差.
我想問問大家我隻貓係咪有機會腸胃炎?
其實佢一向都有嘔,但之前係嘔糧,佢食得太快先會咁,而且只係間中嘔.
但我都係第一次見到佢日日都嘔黃膽水,我都好怕呀,佢都老啦,係咪身體已經唔得喇?