遇著裝修黑店 (金研室x設x)，有咩追討方法

之前係網上無意發現呢間野，見佢post的裝修都看似ok，又見網上無呢間野的bad comment，咁未去佢地公司睇吓。傾裝修野時講就天下無敵，又話必定準時交樓，用料靚，手工好，有一年保養，唔使擔心。好啦，見無朋友可介紹裝修，都係賭彩，咪諗住試吓啦﹗仲搵埋佢地做全屋家俬o忝呀﹗

一開始都ok o既，但跟跟吓就成日唔覆電話，約咗傾野又唔浦頭。唉... 最終遲咗成個月先交樓，住緊個度業主又唔肯俾我住多一個月，累我白白要租酒店成個月，又要租倉安置什物、衫等。交樓時仲要有野漏，話遲啲整返。

遲啲﹗遲啲﹗入伙成3個月都仲未整到，一時就話有工程趕緊，下星期會整，一時又話師傅放假，佢返黎再安排，次次都係我唔打電話俾佢都無下文。攪攪吓連我的電話都唔聽，又無攪錯呀﹗仲要又俾我發現有件家俬用咗3個零月，就開始甩皮，叫佢地維修，開始時答話好，點知又係無咗影。同佢老板理論，鬧我之餘，仲話又唔係唔整，o個d野唔整住，都唔會死人喎﹗要整一早就整咗啦﹗

原本遲交裝修都諗住算數，點知經後期交涉後，覺得太過份啦。因已交晒尾數，想追討因遲交貨而要多俾的酒店錢、租倉錢同未完工部份的錢，可以點做﹖請指教。