好痛若 點解d關係糾纏不清咁

你以為自己鍾意佢? 你咪傻啦, 你都話佢賤啦, 佢擺明係想一腳踏兩船, 佢話同B一齊係為左激你, 係呀, 係想激到你甘心自願做唔見得光既第三者. 佢真心鍾意你? 咪講笑, 佢依家似傷害你多d, 如果鍾意你, 會咁樣對你? 特登搞到你地既關係好曖昧咁, 根本就係引誘你自願痴返埋佢度咋, 到時候大條道理話你係第三者, 係你自己賤格, 係你對佢糾纏. 你唔開心、又想等佢電話、又想佢氹, 呢d 就係佢之前對你落左藥既結果, 佢話仲鍾意你, 之後又若即若離, 又show你同第二個幾sweet, 呢d 就係落藥既過程, 一個陌生人(假設係巴士司機)日日都對你微笑, 突然有一日唔對你笑, 你都會有失落感啦, 唔通你又鍾意個陌生人?

講真, 你都係一個有思想, 唔係蠢既女仔, 睇得出你係理智既人, 你自己都知道自己唔係仲鍾意佢, 只係佢搞到你有d 混亂, 令你有錯覺, 只要冷靜d 咁去諗, 你一定可以睇得出A既意圖.

2013-11-18 18:10:56 補充：
有冇考慮同佢講清楚，再係咁曖昧既不如就連朋友都唔好做，或者之後佢會周圍唱你小氣呀，分左手就連朋友都唔做得呀，甚至話你因為妒忌佢同B所先黎絕交，如果發生呢個情況就要決絕d既公開佢send俾你既wts，總之務求係人都知係佢想一腳踏兩船，係佢賤格纏住你，所以你先要一刀兩段，否則遲早有一日話你撬牆腳，做到咁絕之前你可以事先同B備左案先，等佢知係A纏住你，所以你先有咁既行動，費事到時話你落佢面。

前度變番朋友：
其實我覺得分左手就最好咪做朋友，如果堅持做既，一定要大家都放低得曬先可以，否則後患無窮。即使係做朋友，都盡量避免理會大家既感情生活，費事旁人誤會你係想介入佢地的關係，自己又夜長夢多。

前度的新女朋友：
我覺得佢十月的時候，話仲鐘意你，係因為講分手個個係你，加上個陣時未有新對象，寂寞難耐。所以先表達佢對你仲有感情，想試下可唔可以COOL番你，同埋想知你仲對佢有無意思囉！話唔定，想收你做兵都係其中一個原因。
佢前一個星期話仲鐘意你，跟住就有新女朋友，你仲能夠相信佢?
佢只係「有少少」想激你，意思係你係佢心目中都唔係最重要個位。佢鐘意你多過 B，我覺得講大話。大前提係，佢唔鐘意個女仔都唔會同佢一齊。就算係真又如何，講到咁鐘意又唔追番你、求複合 ，反而同B拍拖?
我認為佢有機會係…
- 擺明就係搬弄是非，吊緊你條癮，等有多一個人對自己有意思
- 亦有機會係自己搞唔清楚到底想點
- 想一腳踏兩船
＊呢個人都算賤格
＊重點：佢唔清楚自己感情係佢既事，咪比佢當你係玩具咁玩！

同你的EX-Boyfriend的話題：
你地分手作為朋友，佢同你講下新對象點樣sweet法係可以。但係，佢係你面前講，你覺得好心煩、感覺唔自然，就快D STOP左佢，同佢講清楚：
「話比佢知，雖然我地係朋友，但我始終係既前度女友，唔想聽到有關你新女朋友的野。」
咁樣做以免搞到你地3人之間的關係咁複雜，同埋自己胡思亂想、唔開心，令佢地既關係煩到自己。
＊重點：記住話題一定唔可以超出朋友的底線囉！做朋友就講番朋友應該講既野，咪講情情搭搭的說話，咩鬼「私人打氣」、「我仲鐘意你」。再講就送佢一句「食屎」。唔咁做，到時佢當你係「後備情人」，受傷個個實係你。

現任、前度：
我認為係件事上面，你ex同你都有唔岩。
「又有一次 佢話咩比賽想我幫佢私人打氣 我就會唔知點解搬B出黎 話:你有B米夠囉」
你咁樣搬B出黎，好似表現緊你呷B醋，想要ex緊張番你，實在對B好唔公平。因為呢家B先係現任，你先係前度。你地之間三角關係，如果傻傻搞不清楚，遲早對你、同你身邊既人影響會好大。

如果你地仲搞唔清你地之間的關係，你可以…：
- 唔好再同佢來往
- 退一步觀察：試下幾日唔搵佢，睇佢反應 ( 睇下佢有無不停搵你，如果無，就咪理個賤男；如果有，同佢畫清界線，等大家唔好超越 )
=============================================================

最後，你地分左手，當然可以選擇複合；但當初你提出分手，必定有你的原因覺得對方唔適合你/ 覺得無將來，你竟然有等他的理由? 你清唔清楚自己對佢既感情呢?
但無論點都好，ex已經有女朋友，你唔應該再干擾佢地的關係。咁何況佢咁賤格，一副想踏兩船的樣子，你想比佢得逞?
請深思深思。

希望我的意見對你有用(^___^)

如果你唔中意佢，就不会这么痛若。係你講出分手，唔想要就放手给别人。觉得你讲的野好矛盾。即然不要就撤底放弃，做回自己。
看到他也不是甚么好人。想一脚踏两船，你愿意吗？

勸你兩句,
早點死心,少點傷神。

佢現在對你講的說話,
包括曖昧又好, 甜言蜜語又好, 激仗法又好, 癈話又好,
請你清醒一點,
還有甚麼意義呢！

2013-11-13 18:20:16 補充：
只要你不再在意他的說話,
才能做回自己

正常都會唔開心,自己好朋友同前男友一齊,感覺就好似比人背叛,你果個朋友都係快點絕交啦,邊有朋友明知果個係朋友既前男友仲走去一齊架,小心佢以後桶你一刀.
你個前男友根本係CHEAP精,話係想激你,咁點解又一定要同你個FD?擺明想兩條都食,真係想你做返佢女朋友就唔會整污糟自己啦,尼種人唔要都罷.

你WTS覆佢果句有B就夠,我既想法就係:你頂佢唔順,男人三心兩意想點?有左女朋友就有責任去同其他女仔保持距離.

得不到的，曾經失去的對人來說是有一個價值的，但這不代表是你對佢有feel