同男友第一次去旅行

想問要準備D咩? (證件不用說)
>>都係旅遊書, 小量台幣 (機場的銀行不是二十四小時辦公, 半夜三更無錢返酒店都幾頭痕, 就算你打聽到台灣市區有地方可以兌換台幣, 亦都應該預先帶定小量台幣作機場至市區的交通用途.), 梳洗用品之類, 上網 search 「旅遊必備」就會搵到有用資料.

洗唔洗帶D sexy小小既內衣? 可以去邊買?
>>百貨公司或者專門店或者小商店果啲就得啦, 唔通你買 sex shop 果啲?

小女第一次去旅行,所以想問去到台灣是否要買卡先上到網?
>>台灣有遊客專用免費 wifi (上網 search 台灣 wifi 已經有資料), 不過, 去到台灣機場可以買一張儲值 sim 卡, 好似大約 NT 500 包 5 日任上 + 250 分通話 (上網 search 台灣電話卡已經有資料), 如果日頭時間落機就可以直接去機場的電訊公司門市查詢價錢. 亦可考慮响香港買一張有漫遊電話+上網功能的儲值 sim 卡, 出發前將自己的手機飛線落儲值卡, 因為你係唔會想用你果張香港本地 sim 卡去傾漫遊.

同埋聖誕節個邊D野係米會貴好多?
>>差不多啦, 遊客買手信多數都貴過本地人, 呢樣野唔知點解真係世界通行.

想問埋個邊天氣洗唔洗用到羽擁?
>>最好帶一件薄羽絨, 台灣冬天比香港凍一點.
要買既話邊到會平D?
>>唔知.

同埋來回機票(自由行)幾錢? (ps.指定要窗口位)
>>機票海鮮價.

想去高雄租酒店;邊間會平D?
>>請上酒店網格價或者向旅行代理查詢.

同埋上網睇到話過境既時候會有人問問題? 真的嗎!?
>>可能有, 亦可能無.


--- ---
提早辦理網上落地簽證, 檢查好證件有效期 (落地簽證要求特區護照最少半年有效期.) , 祝旅途愉快.

如果你識得整, 最好就 download 一套 offline 的台灣地圖落自己部手機 (上網search offline 地圖就已經有資料), 因為智能手機多數有 GPS, 配埋 offline 地圖就唔用數據流量都可以幫自己確定位置.

台灣人多數聽得明港式國語, 亦都對香港遊客友善.

帶定避孕套或多仔丸可以~~~




到時一切悉隨尊便 ^^