輕鐵罰錢,寫求情信

我個人經驗;比人捉左好多次
次次都系真實個人資料
過左1年無交; 當然會有信寄比你叫你交
但寄多幾次就無左事

寫信我就真系無聽過-_-
但寫話既應該系寄去港鐵公司?
但講真-_-你寄左人地都唔會睇..


以上為個人經驗and意見:)

Tai Man 網友的意見非常正確！除了被通緝之一說！
如果港鐵公司為追收幾百元罰款而要求法庭發出通緝令（對，通緝令是由法庭發出，警方或其他部門，如入境處等祇是執行），必然會被法庭訓斥濫用法庭資源！
港鐵直接入稟小額錢債法庭追討就有機會，但在下相信港鐵會先發律師信去唬嚇被罰者付款！
寫求情信一事是確有其事，但完全是無謂的，而且祇是變相自承違規！

首先呢個係根據港鐵附例既定額罰款,只有罰與唔罰,係冇價講亦冇得求情,如果你認為係罰錯你,係可以透過司法程序去解決.

而有朋友話唔交罰款可以不了了之,咁你又唔好太開心住,因為件事可能已經交比法庭處理,再由警方發出通緝令,咁你離港或者被查ID既時候,你就知道係搵野黎攪.

2013-11-12 15:45:03 補充：
我又講件真人真事你知,就係有人係輕鐵內比人打左荷包,就咁岩遇上查票,當然緊係未能出示有效車票啦,呢句"未能出示有效車票啦",係唔會理會任何情況,港鐵話除非拉到偷銀包果個人,起回張八達通,然後又證明到張咭係你,又查番記錄證明你係拍過咭,咁先可以考慮放棄檢控.
即係哂氣!

2013-11-12 15:52:37 補充：
有時間又講多單,就係有兩公婆一齊用月票搭車,咁其中一個就先落車,點知佢就袋埋另一半果張咭,咁緊係又咁岩查票啦,結果又緊係冇架啦,於是就打電話,叫另一半立即趕過黎出示番張月票,結果都係唔得,理由就係"未能出示有效車票",而我講你知最卜街係咩,就係張月票係跟人名.

2013-11-12 16:09:09 補充：
又有時間,又講多單,就係用左屋企人既個人八達通.基本上查飛果陣,你拍一下咭,就會知道你有比錢就算,係唔會要求睇埋你張咭,但實際上,如果咁岩得咁橋,查飛果個見到你用緊人地既個人八達通,首先張咭就會扣起,然後再票控"未能出示有效車票",你話呢句咁簡單既野,真係咩情況都可以拉Q哂.

2013-11-12 16:14:13 補充：
朋友,你要我講呢D奇怪案例,幾廿單就冇走雞,幾無辜既都有,唔識搭車搭錯被罰又有,訓過籠落車搭番轉頭被罰又有,咁呢D案例都係要交罰款,咁你又打算以咩理由去求情呢?

個人經驗,就算寫求情信都會睇咩年齡,我第一次俾人罰係20,所以寫信都冇用要照交,結果之後因趕車都俾人捉過幾次

唔知交罰款個時禁電腦會唔會有紀錄你俾人罰過幾次

先打輕鐵熱線，距地有地點聯繫你，多數是輕鐵站服務中心～我有個同學有這個經歷，距趕時間導致忘記拍卡， 你可以甘寫，但要有D真誠態度落筆～