副學士未畢業 轉去台灣升學好唔好(20點!!)

Asso而家對於你黎講食之無味棄之可惜

如果你係想讀設計方面的科目 除非你起台灣有一間大學係特別想入
否則我認為你咁樣去讀花4年時間會花唔少錢 但係學歷(台灣的大學畢業)返到黎做野唔會有特別優勢

如果你決心想讀art/design的話 我認為你可以quit Asso讀IVE設計 會比較直接達到你的目標 花的錢又相對比合理

如果報top up degree係可以報唔同科目的 但係收唔收你又係另一會事 一般而言機會都係唔高的 除非個課程收生不足 所以基本上呢條路徑唔需要考慮太多...

最後 如果去到台灣 視乎你讀的科目 或多或少係會同你中學所讀係有重複的 不過呢個因素相對就無咁重要

唔知幫唔幫到你..?

你的醒覺非常對.花費家裡大量金錢,混來混去最多專科學歷.應即刻奮發.纠正這種嘥時間的模式.
星馬及沙撈越有好多專上學校你可以研究.
澳纽升學並不困難.
台灣當然可以考慮.
美國,英國及歐洲,西班牙都不是絕無可能.
一切機會在嘗試.坐入圖書館,專攻研究各地入學要求.總有一條路你可以找到讀得學位的機會.
现在香港的職業訓練局及建築業訓練局提供的訓練好多都已接近專科资格.受訓後又保証就業.何樂而不為.
在外國,包括日本,工讀生,半工半讀的好平常.你辛苦.但好有目標.而且幾年間好易過.
你不要樣樣問人.上網.你一定要有搜尋的能力.而家全世界都好忙.要乜,一要自己揾.甚至在世界各大城市行街都係自己上網架.邊個會咁得閑逐一回答你呢.
第一:練好電腦操作.要能搜尋自己想知的一切.
第二:劍及履及.諗掂就要實行.
第三:[應該是最先應設定好]自己的目標是甚麼.
當你有咗一個打算.照步驟實行.學位如是.人生目標如是.都可以達到.
即刻醒覺喇.祝福你早日脱出混吉的環境.

第一、台灣讀大學只睇你最高的成績，如果你副學士畢咗業，你可以去一啲科技大學（類似香港ＩＶＥ）讀大三和大四，畢業後，中華民國教育部亦承認你係大學畢業，唔同香港只當你ＩＶＥ畢業。
但如果你冇副學士學位，咁就只能用你今年ＤＳＥ0既成績申請番入大學，咁如果出年大學收咗你，咁你就要由大一開始由頭讀過。亦即係話你今年係浪費咗一年。
至於你想揀咩學系，咁就按你的志願去揀，當然如果你的ＤＳＥ成績只係油麻地，咁一啲傳統名校，例如我哋淡江、台大、成大、政大、輔大等就唔好揀，就算揀，就揀啲冷門啲0既學系，不過如果為咗入嗰間大學而揀啲你自己唔鍾意0既學系，咁咪又係浪費時間。
至於學雜費的問題，如果私立大學，一個學期都只不過係５萬蚊左右，未計住宿同生活費，平過香港讀Ｕ好多。再加上如果家境不佳，你可以申請清寒津貼，每月約３千蚊左右，雖然唔夠你的日常開支，但如果慳慳哋，都夠食半個月。去到大二你更可以申請校內工讀，以每週工作不超過１６小時計，工讀金加埋清寒津貼，都夠你食成個月，若然你喺校外餐廳打工，餐廳仲會提供一餐膳食畀工讀生，咁你又慳番餐。

2013-11-08 15:08:34 補充：
若然你成績好，讀到國立大學，學雜費仲平啲，一個學期都只不過三萬幾蚊，平過你家陣讀副學士多多聲。你一個月0既學費，分分鐘等於人哋一個學期0既學雜費。
但電腦方面，家陣大多數人都用手提電腦啦，我建議由香港帶過去。因為香港買係會比台灣平一個 Grade，例如香港買一部 i5 手提電腦的價錢，喺台灣你只能買到 i3。所以電腦一定喺香港買，最好仲要等過年後或暑假尾電腦節最後一日先去買，咁就抵好多！