我係咪好有問題?

（一）我係咪好冇感情?
（二）我點先可以同人溝通得好啲?
→ 呢個世界有分理性、感性兩種人
→ 前者係善用邏輯思維諗野、後者即是感情豐富既人

根據你問題入面所講：「 我唔知點解好似對咩都冇咩感情咁，對咩都冇咩衝勁去做。」
→ 每個人都有唔同睇法，果樣野觸發唔到你既情緒，唔代表你冇感情。情緒就可以開關咁，會因應唔同情況開或者關。
同埋，你會唔會係因為冇野支持自己而覺得冇衝勁去做一件事呢？
嘗試比啲野支持自己去做。
例如：英文默書，考到70分或以上就買杯雪糕比自己食

你係問題亦有提到：「 例如：有人生日，就算係好fd都好。寫生日卡個陣，個個都寫一埋真心話，我完全諗唔到寫咩，最後都係寫生日快樂同一兩句廢話。」
→ 會唔會你係一個「 講心唔講金 」既人黎呢？或者你係一個情感唔係流於表面，唔會著重表面既一兩句說話。
其實，對我黎講，只要你個心有對方、記得對方生日，咁已經夠喇。何必執著真心話呢？呢個世界有太多帶住假面目既人，有人為左哄人開心而寫一大堆違背良心既說話，咁樣又有咩用呢？如果從正面去諗，你著重係內在既情感，而唔單係表面既情感，咁唔係比一班帶住假面具既人真實咩？

接住落黎：「 我又唔中意講電話，whatsapp我ok 但係我唔知係咪太直接呢？都係一兩句就冇左x0x 」
→ 如果擔心自己講野係咪太直接，不妨睇返過去既對話記錄或者問下屋企人。因為過去既對話記錄，本人未必記得哂講過啲咩，感覺就清楚、屋企人會比到誠實既意見你，唔會欺騙你。
如果得知自己講野真係太直接，就要改變一下講說話既方式。可以用下啲婉轉、用對方鍾意聽既野去話比對方知，佢有咩做得唔好。

（三）我應該點搵個自己既"夢想"?
夢想：「 好多人會為左"夢想"而努力
我都好想
但係我真係搵唔到自己既夢想
我冇咩特別既野想做
唯一既"夢想"係一世都開開心心咁過 」
→ 坦白講，我都希望一世都開開心心咁過。以前、而加都係我既夢想！
搵唔到夢想，唔緊要。
諗真啲，自己有冇啲咩想做、有興趣或者有一樣野可以令你做足幾個鐘都唔覺得悶、攰
或者，你問下屋企人、朋友、同學、老師，你既優缺點係咩。
然後向住果個方向前進。
不過，最緊要──
係要搵出自己既興趣！
同埋一定要搵啲野黎支持自己去做。


（四）我係咪好有問題?:(
→ 每個人成長都有煩惱、問題，所以你絕對冇問題！
唔洗擔心。






希望幫到你。
任何事都有解決既辦法，冇問題係解決唔到。
只要你願意攤出黎講，就有人會幫你。
不過，你都要振作自己，自己既支持比任何人既支持更重要！（緊記。）

我都有咁樣唔開心過
但係真係好蠢
其實自己活得開心就得 每個人都唔同 諗既野都好唔同
唔係話人地做咩野好開心 我就要去跟人做
到頭來 我同人做左同一樣野 我都唔覺得開心
呢個世界咁大 咁多野玩 搵D令自己開心既野做就得
太理會其他人想法 會令自己唔開心
自己覺得點樣係開心就應該去做 唔好比其他人影響自己既想法
否則就好似半天吊 東不成 西不就
人地覺得開心既野 我又未必做到 亦無心做 就算做到我又未必高興
到頭來又違反左 我自己認為快樂的事 自己覺得開心好玩既野都無做到

咩野太cool無感情 唔同人有唔同經歷 對唔同事有唔同睇法同價值
你認為悶 無聊就唔好去做 做完件事自己又唔開心
或者以後你人生閱歷更多 你會改變呢

我人生無目標 但係亦唔覺得有問題 唔通咁多人 人人都要做偉人咩
如果有夢想 到頭來實現唔到 係咪都無咩意義呢
人地追夢開心 花努力時間金錢 都要有付出 唔係話追夢過程就一定是快樂
我見步行步 亦不是不努力啊?

我以前都差吾多,做個朋友呀, 多d朋友開朗d, EMAIL 我呀:
[email protected] // then we can whatapps or skype

1)我係咪好冇感情?

可能你還細，慢慢長大就會看事不同。

2)我點先可以同人溝通得好啲?

先了解自己，慢慢來，如果壞朋友不容入是好事。

3)我應該點搵個自己既"夢想"?

可以先了解自己長處再慢慢立一個目標比自己

4）我係咪好有問題?:(

沒問題＝」正常

你唔識同人溝通姐
學下主動d就得

唔會,你只要主動d就得嫁啦