360電腦防毒軟件有效嗎？

『電腦曾經中毒，不能掃除，要到電腦城維修。』
電腦啟動都係有程有序，只要夠功力及經驗，細看系統載入的東西，大部份病毒，或者叫不想要的程式，都可以移走。
移不走的主因係病毒把系統一些重要資料弄亂，或者指左指右本身都出錯，(例如連機都開不到的情況)，又或者中幾個毒，互相干擾。
拿到舖頭修理，99%會話中太深，不能掃除，重裝算了，因為你冇得challenge佢，(你識就唔會拎去)，而且呢個一定係最快方法。個零鐘一定可以收錢取機。(你沒有了的軟件/檔案真係懶得理你)

『現在想安裝360軟件防毒，是否有用』
百份之99係你本身之前都有防毒軟件。雖知防毒軟件靠人手分析病毒，再加入病毒表，快極都一兩個月，而且一定仍有漏網之魚。各防毒軟件都係一樣做法，冇百份百呢支歌仔。既然你中了，你當然覺得你用緊的不夠好，想換一隻，但我可以肯定告訴你，其實保護情況改善(或差了)相差不會太遠。各人都漏幾個percent，只是漏了的不相同。
所以根據我分析，大部份憑自己過往經驗看這事，即係話，若你之前用360，乃過野，你一定話唔好，若你用nod，若乃過野你又會話唔好。相反，若我用norton，根本我仲未乃野，我咪介紹你囉。世上無一全中，otherwise，其他防毒軟件根本可以收檔。

『如果中毒後軟件會代自動除毒嗎？但會不會影響部電腦。』
如果病毒資料有，你打開檔案前已被封。未被執行。若未能detect，則一樣係咁先。

『用香港D吧！大陸網站更會中毒！它還會一邊幫你殺毒一邊放毒！以前我家是用360，電腦城維修回來不用了。』
我只同意一半。(不同意的一半是以上討論的自身經驗論)，同意的一半是，大陸軟件出名有徧幫，即係會對自家(或友好)公司出的東西，視而不見。但因為大陸病毒軟件大多只是靠廣告搵食，無可厚非(因為廣告不列入病毒)。也有出名的case係，將對手的普通軟件，(當年好像是qq)，認成病毒封殺的怪現像。360本身的程式已插入不少廣告，再加上半強迫的安裝其他無甚用途的東西，如乜乜瀏覽器之類，加強下載廣告數目，從而賺多一點。若你有安裝乜乜播放器，下載器等，你會發覺時不時出現廣告，搵食也。若你的電腦不強，如仍停留在p4，或celeron之流，電腦會給拖慢不少。你的新機快機只係冇咁覺而矣。

根據個人經驗，推介avg，或者avast，在download.com中下載最多的軟件佔一及二位。 後記都係那句，不保證百份百。

還是要去 http://aaashops。com 品質不錯，老婆很喜歡。
单俠匲

拖慢電腦
真係唔係太好用
個人認為 Windows Defender 仲好
有毒時會自己提醒

(個人認為!!)

其實我覺得360 幾好 係就係煩左d 因為有時裝野佢都話會有毒 提醒你小心
不過好多功能囉 有時unistall野 總會有d野殘留 想del都del唔走 又曬位 佢可以強力清除 唔錯 同埋 你電腦缺咩軟件 係上面禁個制就裝到 唔錯架

可用 Comodo,不差的.

最好不用，用香港D吧！大陸網站更會中毒！它還會一邊幫你殺毒一邊放毒！以前我家是用360，電腦城維修回來不用了。

我用緊,你開左毒會自動除毒,你同意的話