公司信申請A牌一問

個重點就係,你係舊公司有冇實際做過"400A或以下固定電力裝置",意思係指,假如你果幾年只係負責掃地,而冇從事過有關工作,個經驗係唔計數,相反,你真係有做過,但公司唔肯證明,你亦可以透過宣誓去解決呢個問題.

宣誓係具有法律效力,所以如果你發假誓,係刑事罪行.

2013-10-28 22:49:21 補充：
你公司唔肯寫一句話,但唔代表你實際上冇做過,機電署只係要求你做過,而唔係要求必須要有公司證明你做過,所以宣誓係另一個方案,當中只要你自己話係就得,唔需要任何舉證.

我大約咁講下點做,實際操作你自己再問清楚,始終我唔係政府部門,唔可以代表佢地答你,首先你問機電署,可唔可以用宣誓去證明相關工作經驗,如果得,應該係去民政事務署攪,只係約個時間講出誓詞就攪掂,然後就將兩份工作經驗證明,加埋考試果個證明,交去機電署申請就可以.

2013-10-28 22:49:31 補充：
提提你,拎左A牌,最好攪埋個承辦商牌,因為攪個承辦商牌係仲簡單過A牌,冇記錯都係800幾蚊3年.咁點解我建議你攪埋呢?因為持有A牌其實係唔可以接野做,而且亦唔可以簽發完工紙,所以加埋個承辦商牌就會好好多.

2013-10-28 22:55:38 補充：
我就答完你,到你答番我.

一個8000W既單相即熱式熱水爐,電線直徑最少幾多mm?如果用10A開關掣得唔得?唔得就唔使講,如果得又可以點做?

拿,你做左5年,答得到都算係常識掛???