奶奶有2個仔, 大仔係我老公, 細仔前一年同我們同住, 之後細仔的女朋友又住埋半年到, 間樓一直係老公供緊(我地未識, 老公已供緊), 細仔出來工作後幾年, 前一年間屋分一半比佢供樓, 細仔和女朋友同居半年後, 買新屋搬走 (女朋友提出).他們人工略高, 幾個月就買左樓搬走, 計劃埋結婚, 佢地好唔負責, 所以唔要的垃圾, 物件留晒係BEDROOM, 無汁過. 因為佢地樣樣"家"私買新.
現在佢地結左婚, 細仔的老婆要我地個個星期比租 (當然係細佬開口, 老婆扮唔知, 但兄弟本來有講有笑, 現在是不和), 比的租等於細佬供樓比銀行的利息, 我地唔比, 佢再嘈, 之後我地比奶奶家用當比租$1600一個月, 之後又要多D, 比$2400 (奶奶自己要求+價), 奶奶竟然幫住佢, 話比租好應該. 奶奶話比多D家用佢, 佢可以同細佬傾唔賣樓.
但細佬現在個個星期吵要我地賣樓(完全未諗過我地同個女, 同奶奶可以住邊),一未催我地搬, 奶奶咁偏心. 煮飯洗碗湊仔無幫過我. 次次我做咩都話我, 話唔好食, 連行去KITECH放低隻碗都懶, 重話自己係屋企好辛苦, 好多野做. 佢一早8點起身用電腦睇電視, 玩FACEBOOK GAME玩到凌晨2點.日日如是, 只是去TOILET 離開個電腦位, 食飯都係一邊食一邊睇電視. 我前幾日忍唔住同佢嘈左幾句, 佢依家唔敢話我, 佢話"女人, 小人難養也" (如可以, 請解釋一下點解, 佢話我係小人難養?)
細佬要我地快D搬,奶奶原本話申請公屋, 但佢話同我地住可以睇BB (佢依家睇一個中就話累, 又打BB, 又話BB好煩, 所以我唔相信佢會睇BB, 佢連尿片都無換過), 我真係唔想同佢住, 老公的細佬又置身事外, 細佬的老婆擺明唔想同奶奶住先搬走.
我可以點? 唔想日日對住奶奶, 唔想同奶奶住! 我覺得奶奶其實好憎我, 我地又要扮無野,好煩. 有無一個好方法可以皆大歡喜, 我又唔洗同奶奶住?
P.S. 老公立場是細佬唔理, 佢都唔可以唔理阿媽. (我有點覺得好唔公平, 因為佢阿媽偏心細佬, 細佬係到住個時, 日日煮飯, 咩都做, 細佬走左, 咩都唔做)
thank you very much.
要搬屋, 唔想同奶奶住, 有咩方法?
2013-10-27 3:24 am
回答 (4)
2013-10-27 6:21 am
✔ 最佳答案
好多奶奶都認為請左新抱, 由新抱照顧頭家,佢可以養天年, 其實佢都應該一把年紀,
可以照顧到幫到佢都盡量,
而且仔女都結晒婚, 佢都做左幾十年,
都會想休息下..
做人新抱係煩, 不過我好彩,
我唔同奶奶住, 我奶奶都非常好,
睇你所講孚似你照顧小朋友冇工作,
你先生一人工作? 對嗎?
你地所比家用是你只給奶奶駛用2400還是你地比佢既租同生活開支?
其實恕我直言, 我明白得一個人工作養頭家處境,
但現在社會咩都貴, 如果2400係你地一家人係度生活費同租金,
實在太小了, 因為一餐餱都比以前貴好多,
但如果只是比佢當租, 其他買餱錢你地再付,
這個價錢只是三口子租, 但水電呢?
出面板間房都要二三千啦...
我想會否因此佢更加唔想做,
因為你冇工作, 你給佢的佢又覺得不夠,
但又知道你地可付有限,
換轉你在你奶奶立場想想你可能會明白佢心態,
但我覺得如果你們沒可能搬出,
最好大家平心坐底講清楚,
問下你奶奶想點? 你地又睇下可否盡量配合,
因為此終一家人,
我媽剛剛都跟我二哥二嫂有爭執,
都係同住問題,
我二哥都一樣說為何當年我大哥大嫂可以又食又住付二千元,
為何現在他們要付四千?!
佢地都昨晚平心傾過,
因為我大哥十年前兩公婆得一個人工作,
現在佢地是十年後今日, 兩公婆都有工作,
物價都今非惜比,
好多事情都要大家溝通忍讓,
用理性通理~
2013-10-28 11:55 pm
找個機會同老公, 奶奶平心靜地分析一下,
1 賣樓的真正原因
2 若果長此下去, 將會產生甚麼的問題
3 把你心中覺得不公平, 不爽的地方說出來,
以免壓力爆滿
2013-10-28 15:58:06 補充：
就算表面上奶奶都是站在細佬那方,
她也知道問題所在,
那就自然會減少為難你了
1 賣樓的真正原因
2 若果長此下去, 將會產生甚麼的問題
3 把你心中覺得不公平, 不爽的地方說出來,
以免壓力爆滿
2013-10-28 15:58:06 補充：
就算表面上奶奶都是站在細佬那方,
她也知道問題所在,
那就自然會減少為難你了
2013-10-27 3:00 pm
如果妳說服唔到妳老公, 佢堅持要同阿媽住, 妳又可以點? 相見好同住難, 就算自己家人, 都會有磨擦, 何況係老公嘅家人, 同老公家人一齊住會出咩問題, 應該結婚前已經諗到, 而家先要解決, 要照妳心意, 恐怕難啲, 如妳有經濟條件, 就可用錢解決晒所有問題, 如冇, 就要聽妳老公, 如太頂唔順, 就自己搬走, 似乎, 妳只有繼續遊說妳老公, 希望可打動到佢, 但睇嚟唔樂觀, 咁就忍無可忍, 從新再忍, 始終當初係妳自己嘅選擇.
2013-10-27 5:11 am
你可以同你老公出去租房，這是最快辦法
要不申請公屋，但申請公屋需要時間，起碼幾年！
要不申請公屋，但申請公屋需要時間，起碼幾年！
收錄日期: 2021-04-13 19:46:52
原文連結 [永久失效]:
https://hk.answers.yahoo.com/question/index?qid=20131026000051KK00170