佢係咪鍾意我?我係咪鍾意佢?字海.

SOR 好似太長
我係一個好文靜好怕醜既女仔. 而且肥肥地.
個男仔用[A]代替
-
本身其實我對A無咩野.
因為唔熟加上今年第一年同班.
我同A中文同一組
中文堂調位 我就同A坐埋一齊
佢一坐落黎 就成舊木 唔郁.
老師見到A咁就調開A 同左第二個女仔坐
佢就變得好正常
小息果陣 我FD話 A唔知做咩中文堂調左你格離 成塊面紅晒
我就同FD講:係咩?
之後我就話:佢鍾意你呀嘛? 上年D人傳你同A 唔知邊個鍾意邊個
(我個FD中文堂坐我前面格離 姐係本身A既前面)
-
上視藝堂
A坐係我對面既格離
咁就係到畫畫啦
咁岩我同A都畫關於水既野
坐我對面既男仔就話 哇 你兩個真夾 都畫關於水既野
佢就啤住佢+打佢
幾日後
有個女仔[我FD]
勁大聲問A:A 你邊意邊個
我聽唔到A講咩
之後聽到我個FD講:哇 原來你鍾意佢 又話:哇 你塊面紅晒
番到屋企見到我FD係FB講:原來我男神 咁重口味
之後我FD對我好冷淡[唔同班的]
見面都唔HI我.之前會
維持左成個星期 依家還好.
-
之後 中文堂既時候
成班企起身
要舉手搶答 答岩先坐得
我果陣發緊呆[無唸住舉手]
但我見到佢 望住我. [我眼神無望住佢]
D人係到舉 我無舉 佢都無舉
我舉佢又舉.
落堂要行番課室
我坐門口位可以好快出到去
佢行到門口
係到扮晒野 企係到望下本書.
見我起身佢先郁
我又同FD傾左陣計先出去
我行出去佢仲慢慢行緊[佢果陣之出左課室好幾步]
好似想等埋我??
-
今日PE堂
因為就黎有班際比賽
男女一齊上堂
要我地班對第二班[練習]
女仔要派6個出去
體育我唔太好 所以無自己行出去
A都無出去
第二場 要換人
A出左去 其實我好想出 又驚[類]全班
所以無出到
但得4個肯出 要搵多個
D女仔就狂叫我個名.
果陣差我一個就比得賽
我就好唔願意出去[老師又叫我出]
我見到D男仔同A係到笑笑口唔知講咩 又撞呀A
A成塊面粉紅色
同埋 佢好似緊緊張張咁 少左發揮
因為上堂PE 佢比賽果陣我成場望住佢 佢係勁開心 勁主動
-
我每日都會好想望下佢.又成日好想快D中文堂
可以係出面排隊果陣同佢一齊企 但佢都唔敢行太近我.
見到佢同D女仔傾得好開心 我心會有種唔知點形容既感覺
心仲會唸:佢地真係襯 好似情侶咁 佢有咩可能會鍾意我呢? 咪自作多情啦!
呢兩日發夢都見到佢...
今日小息經過走廊咁岩佢行過黎 我行過去 對到眼 我即刻 低頭 覺得好尷尬
其實佢係我地級好受歡迎 不論男女 而且好多人話佢靚仔+男神 咩班既人都識佢
才華又了得 成績 運動 畫畫都好好.
-
我係欣賞佢定鍾意佢?
佢係唔係鍾意我.?
但我地兩個無傾過計.唔熟.