澳洲 working holiday 申請次數限制?

唔係，同一國家一生人只可申請一次working holiday。

你所講既情況我地稱為「二簽」(2nd visa)，等於延簽whv一年，係建基於你一簽first visa時做夠3個月偏遠地區既農場工作(同一份工做夠3個月,包括周末)或(不同工作,只計工作天88日)，所以並唔等於你可以申請whv二次。
即係話，如你申請左whv，一年內如無出發的話visa會自動作廢，你亦無辦法再申請。另外如果你第一年whv無做夠3個月農場工，咁你亦無資格申請二簽。


另外，要留意二簽延期一年只適用於澳洲whv。如果紐西蘭whv，就算1st visa做夠3個月農場工，最多只能延簽3個月而非一年。
雖然同一國家只可申請一次，但你仲可以申請其他國家whv，每個國家都可申請一次。

2013-10-22 06:15:53 補充：
澳洲working holiday visa申請容易，但working visa申請出名好難。僱主願意的話比你延期一直喺果邊做幾年，呢種叫sponsorship working visa，首要條件係你有相關學歷同工作經驗，同時澳洲亦好缺乏你既專業同skill (eg 有澳洲牌既護士,醫生)，再加上有僱主願意用豐厚薪金請你，咁就可以申請，過幾年可以申請PR(永久居民)。不過申請working visa時政府會諸多勺難(要僱主先請本地人)，就算有skill，要揾到願意俾豐厚薪金(年薪過AUD$50k)你既僱主亦唔容易...