平時待人很膽小

通常唔敢講野都可能有以下原因
1) 怕講錯野 (導致激嬲人、俾人笑)
2) 唔知對方點睇自己
3) 有唔好的經驗, 覺得一出聲就會有唔好的事先發生
等等等等等

其實...樓上都有好多例子講左...
人總會有講錯野的機會...而其他人當時的反應可能真係會笑下你...
但最後..佢地好快就會忘記....
甚至...根本冇人會在意你係咪講錯野~~
所以唔駛怕自己會講錯野~

而且...其他人俾咩反應, 對自己有咩睇法...都唔到我地控制~
我地只可以控制自己講D咩~~~諗D咩~~
但控制唔到對方....所以只要盡量表達自己~
等對方明白...了解自己多D~~咁樣先可以令大家相處愈來愈自然~~
要唔怕咁不停練習~!!

同埋...大家傾談之間...一定會有意見不合的時候...
但唔代表邊個對、邊個錯~~
千祈唔好怕錯, 或者覺得自己錯, 而唔講野~~
有時好難大家睇法一致~~但你唔講~就永遠冇人明白你的睇法~

所以鼓勵你可以鼓起勇氣~!!
慢慢開始講多少少, 排除心中的恐懼~~
你要加油呀~
祝福你~!!!!!

可能係自信心不足的問題，也可能是源於過往的不愉快、挫敗經歷。如果感到很困擾的話，催眠／心理輔導的協助，增強 ego-strength，提昇自信心，整合人格，改善行為與習慣問題，可能幫到你！


－－－－－－
和你一起走進心靈深處，療癒傷痛（Heal Your Mind, Go Inside）

美國治療師，在香港提供催眠－心理治療服務，在網上照顧大家的身心健康，分享健康資訊。

http://www.facebook.com/chinhk2012.hk

平時待人很膽小 :自然 d 就 ok ~~ 因你緊張時又會令人緊張 同人溝通吾系只講旦量 , 系講技巧 試一次開一個話題出黎 如社會上的事 ......................傾開一次就會有第二次 ( 但一定要帶有笑容 / 說話要尊重人 )

我細個時候, 都好細膽, 好少同人講嘢! 有次學校見家長, 應該係小三, 小四, 班主任叫阿媽叫我多啲講嘢, 佢話我可以成日係學校都唔講一句嘢!

阿媽好錫我, 無迫我要講多啲嘢. 就因為阿媽無迫我, 但我知佢想我好, 我就開始試下老師問書時, 如果我識答, 我就同其他同學一樣舉下手. 有一次舉手都驚, 怕老師真係叫我答, 但老師居然無叫我. 咁第二次老師問書時, 我就再舉手. 都唔記得係第幾次舉手, 老師叫我答, 我只記得我好快答完, 連驚的時間都無, 老師就話答案正確, 老師就繼續再問書!

呢個經歷, 令我知道其實無人特別留意自己講嘢好唔好, 只係自己太執著覺得如果講嘢講得唔好, 會比人笑. 但其實講得好唔好, 無人會留意, 好多同學啲答案唔好, 但無人會記得同會笑佢, 只係自己太留意自己答得好唔好!

就係咁, 我以後除咗答老師問題, 都開始回應同學講嘢啲事, 一問一答, 原來好易! 有時我仲會問下嘢!

你睇下你想先試下答老師問題, 定參與下同學仔啲閒談, 例如簡單咁講句認同話 - 係呀, 我都覺係咁, ...

比啲膽自己 試第一次, 之後你會覺講嘢其實唔難, 我知你實做得到!

Don't be afraid

Good luck^^