（20點)關於碩士同教育文憑的認受性等資料

1. No.

2. No - even undergraduate courses will be used as a portion of postgraduate education, most of the courses will be in more depth and more difficult (such as essay response for exam instead of multiple choices).

3. CUHK.

4. Yes and no. You are not required to have the diploma first. But you will have to get it eventually.

5. No.

6. It is up to you. What important is if you can find a job and your specialty.

先講一個非常重要既原則，無錯無教育文憑唔代表唔教得書，但有絕對好好多。無教育文憑既教師係准用教師(Permitted Teacher，即P牌老師)，佢地基本上唔教得中、小學，就算教其他院校都要年年續證，比較麻煩。如果你有教育文憑，或讀教育學士出身，就可以申請成為註冊教師(Registered Teacher，R牌老師，或稱為檢定教員)，中學R牌老師可以自由教中小學及其他大專院校，不過一般來講小學R牌老師唔可以教中學或大專院校，但其實小學通常唔常請中學R牌老師，因為小學R牌老師本身已經好多。但無論你係中學或小學R牌，如果你無幼師師訓資歷，基本上係唔可以教幼稚園。

有趣既係大學教授唔需要有師訓資歷，只要有PhD就得，但近年已有改變，新入職既PhD需要修讀一個專供大學教育既證書課程。不過，呢張證書唔會被認為有中小學師訓資歷，基本上唔教得大專以外既課程。

無論Full Time 定Part Time ，教育文憑或碩士既認受性完全一樣。但Part Time育文憑比較有趣，基本上只容許係學校做緊野既朋友讀，因為教育文憑要實習，通常Part Time 同學會係做緊嗰間學校做實習，而Full Time 既同學就有學系幫你安排實習。有一件事必須要講清楚，教育碩士(Master of Education, MEd)並非正規師訓課程，MEd唔會做實習，佢係教師深造課程，係比在職教師加深教學理論既訓練。雖然好多教師朋友無教育文憑會讀一個MEd補番理論基礎，但呢類朋友通常係教大專或大學，近十年中小學教師已全部需要有教育師訓學位先可入職。所以樓主如果想入職中小學，必須讀教育學士或教育文憑。

香港有四間教育學院，即港大、中大及浸大教育學院，仲有大埔嗰間香港教育學院。只有大埔教育學院有幼師課程，而大部份小學教師亦來自大埔教院，三大教育學院主要培訓中學教師。四間院校均有教育學士課程，大部份讀四年，有D要讀五年。教育文憑係比有Degree既朋友讀，Full Time 要讀一年，Part Time 讀兩年，無論學士定文憑均需做教學實習。

2013-10-12 22:49:22 補充：
補充一下，R牌老師個牌係跟一世，基本上教乜學校都唔駛再續證及再考試，當然如果你教中英文係例外，因為要教基準試。但如果你係教其他科，有R牌之後就除左幼稚園之外，咩學校都教得。