點先可以識朋友...(sorry我冇咁多點)

以前既我...係一個對陌生人好靜但係對自己朋友會係咁挽既人
之前我係好多朋友...雖然我係靜...佢地都係鐘意同我一齊傾...一齊挽
但係依家我升上左中學，發現身邊所有同學都學壞哂...
我有勸過佢地叫佢地唔好咁做，但係佢地唔理，出街見到佢我同佢SAY HI佢都唔應
我一直都好唔開心，同佢地愈來愈大代溝
中一既中學期，我同左一個同學熟左，發現大家都有共同既話題
直至依家中三，我地仲係係一齊...但係我發現佢同我愈來愈唔岩傾
我唔係話佢唔好，佢真係對我好好，但係我發現佢做既野同我原則開始有衝突'

例如 : 佢有時係好惡，人地唔小心撞一下佢佢就發哂脾氣係咁講粗口，我有叫過佢唔好講...但係佢就話:唉算啦~我唔會介到架喇~.....
例2:有時人地做錯野同佢講sorry佢唔受...如似話:sorry大_哂咩!?比我撞返你十下囉...又當人地唔同佢講sorry佢就會話:_!咁_冇禮貌_你個_咩!

其實我又唔可以話自己係好好，但係我真係唔想佢咁，佢每次做呢啲野我都冇得叫佢唔好咁做...

另一單...都係今次既主要問題...
就係我呢一位朋友...佢最近比左佢一個男朋友(A)既對話比我聽...(我朋友本身就有一個男朋友...不過依家識戈個男仔係想追求我朋友...我叫個男仔做A，我個朋友叫做B)

有一日呀A係某online game識到A，本身佢係招情，B就應成左佢，點知A識左之後就追佢...電話都有埋...咁B就諗住挽下佢，以為佢係MK仔戈啲，點知戈個A好似真係對佢好真...日日搵呢個B，B嬲佢佢就影左張渣耳仔同喊既相比佢睇...咁B最近拎左比我睇...我都係到諗緊佢係唔係真...我就叫B試下開一個FB AC去試下佢，B唔肯...我又叫B直接同佢講,佢又話怕個男仔聽完之後會死...之後B成日比佢地WTS send既留言比我睇，我就愈來愈覺得好唔開心...搞到我想識一個男仔...

我自問唔好樣，又肥...我依家比之前小學變得比較主動左...但係對一啲又靚又串既男/女，MK仔/妹我就覺得好反感，又係唔敢講野，識親既男/女都係細過我我先敢識

我依家真係好心煩，其實我明白順其自然既，但係我好亂，日日因為身邊既人同事影響，搞到我愈來愈自卑，愈來愈覺得依家既人都係睇外表唔睇內心，論外表同身材我根本就唔係好人地好多，我真係好肥，個個都介意我，我真係好想知道點樣先識到一個好好既朋友，我到左目前為止都係搵唔到，我好想有人關心下，比我呻下我有咩心事！...但係我真係搵唔到一個可以咁樣同我一齊呻心事既朋友...點先搵得到?