學業壓力 唔想翻學

咁我今年就係中三，多左三科。開學頭都仲好d，唔係太多功課，但係漸漸就愈來愈多。舊年中二d 功課已經多到係手冊寫滿晒，而家仲衰，多到要寫到去下一日個格到。翻到屋企，見到個書包心裡面已經覺得好煩，唔想做d功課。攪到去夜晚先逼住去做。我仲係做得超慢個隻.....，晚晚攪到好夜先訓。雖然上堂蛤眼訓，但係我唔使聽佢講，就咁睇書，d野都識。跟住個身體就愈黎愈差，有時個頭同心口都有刺痛既感覺，又成日因為學校d野就同呀媽吵。我覺得再係咁落去真係唔掂，再翻法學我真係會短幾十年命。

除左功課之外，我對翻學都係有d恐懼....，一諗起日日翻到學校，面對住個黑板，等放學翻屋企打下機，就覺得我浪費緊我個人生。每次翻學比我既壓迫感好大，呢樣又要記住，個樣又要記住，為左考試，抄上堂既筆記都抄到人都就快痴。每個小息同午善，都係為左準備下堂既野攪到趕頭趕命，差唔多每次都係遲放。

另外，除左學校之外，家人亦都比好大既壓力我。舊年我呀爸就死左，得翻呀媽同我雙依為命。我每次同佢吵學校d野個陣，佢都話對我已經無要求，仲想點？我每次唔想翻學個陣，佢死都要我翻學，驚我唔翻學佢會被差佬拉。

其實我個人黎講我就想讀書既。我翻學校，唔係等放學就係等上電腦堂（一星期一次），但係當我問完老師之後知道沒我想讀個d野之後，翻學既抗拒感就愈來愈大。

我想問下有冇方法可以唔使翻學又讀到書，呀媽又唔使比人拉。其實我想搵家庭教師，但係上網搵全部都係d唔關事既野，有冇人可以幫到我？