拖住個男仔又鍾意個女仔

是咁的，我係女仔
我有個男朋友(A)，同佢識左好耐，但呢幾個月先開始拍拖
佢對我好好，好男仔黎，好溫柔又肯就住我
我地冇鬧過交，旁人眼中睇黎我地好sweet
作為一個男朋友佢做得非常好

最近升左大學，有一班新既同學，我遇上左個女仔(Z)
我真係對佢一見鐘情，第一眼就鐘意左佢，但我知佢有男朋友…
我諗我會鍾意佢，有好大原因係因為佢好似我以前單戀過既一個女仔(W)
佢地無論性格、外表、喜好、口頭禪甚至手勢，都似到十足
似到我成日會係心入面叫錯名
我曾經好愛W，到而家都仲記得當時果種感情同悲傷
可能我只係係度搵緊個替身，會鍾意Z可能都只係移情作用
我而家對住Z個心成日好掙扎，明知同佢冇可能，但又唔係咁易放棄到

而更大既問題係，我明明就有A呢個男朋友，點解仲可以咁花心
我並唔係唔鍾意A，但個種feel同W冇得比
我冇興趣識男仔、溝仔，平時都淨係會留意女仔
會同A拍拖係一個特例…我都唔識形容，除左A，我對其他男仔都冇興趣
以前其他男仔溝我我都拒絕晒，同佢就好輕易撻著左
但我知道，如果我真係有機會同Z一齊，我一定會飛左A
我都唔知我到底對A抱住點樣既感覺
而家佢會呻我對佢冷淡左，的確我有時會唔想理佢，亦唔想同佢有親密接觸
我都唔知自己想點

我諗最好既方法就係唔好再諗Z，同A繼續一齊
但我會好唔甘心…總之而家心情好矛盾