比班入面D人杯葛

我係一個唔係好知點同人相處既男仔,中4果陣同班入面D男仔一開始都相處得好好,可能因為有一個同我OK FD 既男仔係班入面既中心人物,所以都可以話有一個固定既小團體加埋我同我個FD仲有兩個關係都OK既同學,有時放學都會一齊去食野咁既,同班上面D男仔都有講有笑咁.....但係自從我個FD中4冇讀之後...升中5留低我同另外果兩個關係都OK既同學..問題之後就出現啦...中5一開始頭一個星期都冇咩問題..同之前一樣放學之後會同果兩個關係都OK既同學出去...但係一個星期後佢地兩個突然唔理我,叫極佢地都冇反應...之後班上面D男仔都開始唔理我我都唔知發生咩事,我同D女仔又冇咩兩句,所以好似得返自己一個咁,見到佢地自己有講有笑咁...自己又係學校冇咩FD..自己既真心朋友又唔係香港.....我果排真係好唔開心,有諗過之後都唔返學算.上堂又唔聽書..但係諗諗下自己冇理由為左兩個人而放棄自己學業咁白痴架,所以我都係決定挨埋個中6去...至少都高中畢業 所以認識左另一班新朋友, 但係上到中6冇耐又發生左一件事,就係佢地開始杯葛我,特登講D說話比我聽,起因係我賣左一個遊戲帳號比我自己果班新朋友既其中一個人,但係之前杯葛我果班男仔發現左之後就話我個帳號唔值咁高既價錢,仲話我連我好朋友都昆,當佢係水魚,但係我同我朋友係公平交易,我冇迫佢比$買我個帳號.但係佢地開始句句說話都有骨,又係黑板寫我當朋友係水魚昆人錢,有一個仲離譜,叫我朋友去報警(果個人係我班上面一個咩都要出位既人,個個人都叫佢花名做大佬,所以佢都當自己大佬咁款)之後食飯既時候果班男仔仲特登拉走我班朋友出去食飯留低我自己一個.想特登孤立我咁...雖然中6仲有幾個月就唔洗再返..但係要咁樣挨幾個月我真係會好辛苦,所以都大家幫下我手,希望可以有方法可以令佢地唔再玩我同杯葛我