✔ 最佳答案
如果要講既話，就真係大劇透，你真係要聽? 不過我都係答你~XD
唔知你係睇漫畫定小說啦，我兩種都有睇~但係小說既話就清楚好多~
就係咁既，其實國王遊戲既成因係因為病毒而引起，個種病毒就叫做凱爾德病毒。正常既病毒係冇生命最小單位既細胞，所以被視為非生物，而且唔可以自主繁殖，同埋冇自我意識既。
但凱爾德病毒唔同，佢係有細胞既。細胞內部就通常有2類核酸------DNA(D) & RNA(R)，D就係有自我意識，R就冇自我意識。
D病毒具有傳染性同埋致命性比較弱，R病毒就冇傳染性同埋致命性高。
通常擁有D病毒既人(宿主)都會傳染比其他人，通常受到傳染既人被D病毒入侵身體後都會變成R病毒，然後就死。如果受傳染後冇變成R病毒，就唔足以死。
凱爾德病毒係會因為恐懼而病發，一旦恐懼到左極限個陣，人體內超過60兆既細胞就會發生集體異變，引起係人類身體裡面既病毒不斷繁殖，由人體裡面開始進行破壞，什至控制肢體既自主力，最後造成死亡。
由於凱爾德病毒係有自我意識，所以擁有適應力，會變成識別檔案既種類，製造混亂，跟住就SD訊息，或者可以講成令到電話顯示訊息，而且可以透過網絡自行增生既電腦病毒。(國王就係病毒)
唔知你睇到夜鳴村味，係33年前，智恵美老豆同奈津子(爸爸既原女友)都試過玩國王遊戲，其實病毒既源頭就係奈津子，之後佢就傳染哂比村民，但係得爸爸一個受傳染後，冇變成R病毒，其他人全部就係因為R病毒既關係而死哂。後來剩返智恵美爸爸同奈津子，最後爸爸殺左奈津子，之後就得返爸爸一個，後來爸爸就將D病毒帶過去比智恵美，而智恵美就傳染比佢既同學，得伸明一個係D病毒，其他全部都係R病毒，所以佢d同學先會死哂。係小說第一本最後個結局，就係伸明殺左智恵美，自己生存左落黎。照以上既講法，有R病毒而死既人，大多數都係因為做唔到命令而感到害怕最後致死，有D病毒既人通常都係自殺或被殺。
當國王遊戲一結束，最後既生還者就會收到簡訊，全部字就會拼埋一齊，變成一句野。「將你們全部三十一個人的性命奉獻犧牲，藉以換取本多奈津子的復活。」
就係小說第一集既訊息，後來第二集有解釋到呢D訊息係咩黎，意思就係「思念」，係每一個D病毒既帶菌者既思念。
首先，依家就要搞清楚一樣野，就係第一個D病毒帶菌者就係智恵美媽媽，然後爸爸就係第二個D病毒帶菌者，爸爸生左兩個女，妹妹叫做智恵美，係第3個D病毒帶菌者，家姐叫奈津子，同爸爸既原女友既名一樣，因為爸爸想紀念係夜鳴村事件所死去既奈津子，先用同一個名，佢就係第4個D病毒帶菌者 (1,2,3,4係指D病毒帶菌者死既次序)。第一場國王遊戲就係夜鳴村，第二次就係家姐間學校所發生，第三次就係智恵美同伸明個間學校。
當第二場國王遊戲結束後，奈津子所收到既訊息就係第一個D病毒帶菌者(媽媽)既思念，而第三埸國王遊戲所收到既，就係第二個D病毒帶菌者(爸爸) 既思念
，(爸爸生完兩個女之後，知道左又有國王遊戲發生之後，就去左自殺)，所以伸明就收到爸爸既思念，就係當時佢殺死奈津子既心情，因為爸爸好痛恨夜鳴村村民同埋自己，所以全村既人既總數就係31個人，就係佢當時既心情。
唔知你睇唔睇得明呢...因為我既表達能力好差，我尋日8:00P.M開始諗應該點答....==" 我唔知應唔應該劇透哂...SOR呀...
其實你睇完第二集之後就一D都唔驚架啦，連一個細膽到連去廁所比我嚇一嚇都可以喊到飛起既女仔睇完第2集之後都唔驚啦，所以我支持你繼續睇落去!因為只要過到最恐怖既第2集，後面個D真係濕濕水~! ^^ 有唔明既話繼續問啦~我好樂意解答你既問題~!
2013-09-29 20:17:53 補充：
7.依家好多病毒都係因為變種而引起架嘛，而凱爾德病毒都係一樣，因為變種而引起既。
8.個種病毒係有自我意識架嘛，佢地就係想將成個世界變成係佢地單細胞既生物既世界囉。
9.其實吊頸死左既個D人呢，佢地話唔會驚，信自己一定唔會死，之後去訓教，但其實點都會驚架喎，你睇國王遊戲個陣都會愈諗愈驚啦，更何況書裡面D人冒住生命危險喎，之後因為愈來愈驚，驚到極限，所以D病毒就會係身體裡面進行破壞，之後就會控制佢地既身體，簡單D黎講，啫係自己太驚，引發D病毒控制自己去吊頸 ，而唔係個病毒自己要殺佢地，全部都係因為佢地自己要驚而害囉。 @@
10.個個女仔係自己想去自殺，同病毒無關，因為佢鍾意伸明，唔想佢死
2013-09-29 20:20:06 補充：
同為國王遊戲既愛好者，唔使客氣~!!! ><
我感覺自己又係到語無倫次啦 >~< 對唔住呀...唔知你睇唔睇得明呢....希望幫到你!
2013-09-29 21:48:47 補充：
SOR呀，第7題應該加多少少野，係人類創造個病毒出黎，之後個病毒變左種，有左自我意識先岩
2013-09-30 17:38:25 補充：
字數有限打唔到呀sor，我inbox你好冇?
