有關貓貓養育權問題

有2隻貓貓(2個月大)係我之前同前男友未分開前共同撫養係男方屋企，其間我親眼目睹男方打貓貓而且好粗暴咁對待貓貓數次，由於男方獨居，經常整晚不歸，令貓貓斷水斷糧，我曾經多次勸對方，但情況仍然沒有好轉。

其後我與男方分手，但由於之前承諾帶貓貓打預防針，所以仍保留男方家中門匙，打預防針當日發現其中一隻貓貓被關入廁所，無水無糧，而且有廁所環境並不太好，成地都係黑色的污水，貓貓又驚又怕咁係其中一個角落，當我抱起貓貓時發現佢右眼矇左一片，當我到達貓貓診所，醫生話兩隻貓貓都已經感冒了數段日子，而矇左眼個一隻已經感冒菌入眼，會造成永久損傷，而且由於太遲打針所以抵抗力比較差，我帶佢地打針時已經5個月大，我勸左男方好幾次要打針，男方總用沒有時間去推。

由於我真心喜愛依兩隻貓貓所以希望佢地有更好的照顧，因此向男方提出將貓貓交給我養，男方起初沒有反對，到前幾天突然要求我交還貓貓，並要求我限期內交還，並恐嚇我如不交還出入要小心D。

各位愛貓人士，我真心喜愛依兩隻貓貓，所以真係唔放心再將佢地交俾我前男友撫養，之前因為我同佢未分手，多多少少睇我份上佢都唔太明目張膽咁打佢地，而且男方不回家我仲可以上去喂食，依家分左手我唔可以再去探望，亦唔知佢會點對貓貓，所以我真係好擔心，所以想爭取由我去照顧貓貓，但男方為左啖氣而死唔放手，希望各位可以俾D建議我，究竟我可以點做，又或者有冇咩組織機構可以幫到我