感情+學業壓力 求有心人

小女岩岩升中四啦
好多方面都未習慣到, 升高中之後workload大左好多

講真 我中三個陣成績係中上既(~30/180)
但係一升上中四，就好似進度唔係好跟到
加上每日上完堂都好攰，返到屋企成個人好似散左咁

而家d quiz，我發現用初中既方法溫書，出黎既成績真係好難接受
我覺得自己比唔上其他人，我好驚排名會趺...
而家有種無能為力既感覺，覺得自己handle唔到...好辛苦

至於感情方面，曾經我同個男仔好fd
自從我地開始比人傳誹聞之後我地就避對方
到中三，我地已經當對方係陌生人咁 冇同對方講野...
但係我中一開始覺得我對佢同對其他男仔既感覺唔同

我自己之前又冇中意過人，唔知係好感定點...
到左而家，我對佢既感覺好似淡左少少
但係都係好care，好容易自作多情，甚至因為佢同我講野就開心
中四開學有一排都有同佢講兩句，但係而家又變返之前咁　

我知佢對我冇野，我wtsapp佢，佢都唔係好應or話唔得閒
就算佢而家成日去我班房搵佢朋友傾計
佢都好似當我冇到咁，望都唔望一眼，又唔會同我講野
甚至去聊其他女仔傾計，我唔知點解真係好down

我覺得我地曾經咁熟，點解而家會變到好似真係唔識咁
而家諗起，真係有少少欲哭無淚...

我想用讀書黎麻醉自己，同自己講而家冇野重要過學業
但係我做唔到，真係覺得好煩...點算?